काठमाडौँ-  देशभर नेपाली कांग्रेसप्रति आकर्षण बढेको छ । वैशाखमा आमनिर्वाचन हुने चर्चासँगै विभिन्न दलका नेता कार्यकर्ता कांग्रेस प्रवेशको लहर चलेको छ ।

यसैक्रममा ओखलढुंंगा लिखु गाउँपालिका–२ हुलाक चौरमा आयोजित कार्यक्रममा नेकपाका शक्तिशाली नेताहरूको टोली कांग्रेस प्रवेश गरेको छ । ओखलढुंगा प्रदेश क्षेत्र–२ सांसद मोहन खड्काका दाजु चन्द्रबहादुर खड्कासहित ३७ जना कांग्रेस प्रवेश गरेका छन् ।

कार्यक्रमलाई सम्बोधन गर्दै पूर्वसांसद तथा कांग्रेससका प्रभावशाली युवा नेता रामहरि खतिवडाले आफैले भोट नहालेकाले गत चुनावमा कांग्रेस हारेको बताए । ‘गठबन्धनको नाममा दुई तिहाइको सरकार नजिक भएर पनि कम्युनिस्टले तीन वर्ष पनि राम्ररी सरकार चलाउन सकेनन्, अहिले एकले अर्कोलाई भ्रष्टाचारी, हत्यारा भन्दै उफ्रिराछन,’ खतिवडाले भने, ‘राणा र राजा फालेर देशलाई संविधान दिएको कांग्रेसले देशलाई अब सही बाटोमा हिँडाउनेछ ।’

जनताले मतदान गलत ठाउँमा गर्दा अहिले संसद विघटन भएको खतिवडाले बताए । ‘ओली र कम्युनिस्टहरूले सरकार चलाउन सकेनन् । जनताले निर्वाचित गरेको संसदको हत्या भएको छ,’ खतिवडाले भने, ‘‘कम्युनिस्टलाई संस्कार सिकाउँछौँ भनेका थियौँ । संसदीय व्यवस्था नमान्नेलाई संसदवादी बनायौँ । शिक्षक मार्नेलाई संसदमा लग्यौँ । ओली र नेकपाले संसद विघटन गरेर जनतामाथि ठूलो घात गर्नुभएको छ ।’

नवप्रवेशी चन्द्रबहादुर खड्काले कम्युनिस्टले राज्य चलाउँदा अराजकतासँग दिक्क भएर नेपाली कांग्रेस प्रवेश गरेको बताए । कांग्रेस जिल्ला पार्टी सभापति प्रदिपकुमार सुनुवारले कम्युनिस्टहरु जालझेल गर्न सिपालु भएकोले ढाटेर झेली गरेर जितेको आरोप लगाए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीको कुर्सी बचाउन सडकमा जात्रा देखाउनु लज्जास्पद : कांग्रेस नेता खतिवडा

केपी ओलीलाई खतिवडाको चेतावनी : मन्त्रालय टुक्र्याएर भर्ती केन्द्र नबनाइयोस्

कांग्रेस नेताको प्रश्न : कांग्रेस नेतालाई थुनेकोबारे सर्वदलीयमा छलफल हुने कि नहुने ?

प्रधानमन्त्री गर्मी भयो की शितल निवास जानुहुन्छ : कांग्रेस नेता खतिवडा 

मान्द्रे पुल धमाधम बनेको देख्दा कांग्रेस युवा नेता खतिवडा हर्षित

कांग्रेस नेता खतिवडाको प्रश्न : माओ, लेनिनबाट उत्पादन भएका पार्टी कसरी राष्ट्रवादी ?