काठमाडौं - संविधानसभा अध्यक्ष एवं एमाले उपाध्यक्ष सुवासचन्द्र नेम्वाङको शवयात्रा सुरु भएको छ ।

बालुवाटारस्थित निवासबाट नेपाली सेनाले सलामीसहित शोक धुन बजाउँदै शवयात्रा सुरु गराएको हो । शवयात्रा शिक्षण अस्पताल, महाराजगञ्ज, धुम्बाराही, चाबहिल हुँदै पशुपति आर्यघाट पुग्नेछ । नेम्वाङको पशुपति आर्यघाटमा राजकीय सम्मानका साथ अन्त्येष्टि हुनेछ ।

आफ्ना दुवै छोरा विदेशमा भएकाले नेम्वाङको तीन दिनपछि अन्त्येष्टि हुन लागेको हो । उनका कान्छा छोरा सुहाङ अस्ट्रेलिया र जेठा छोरा मेङ्सो बेलायतमा थिए ।

आफू राजनीतिमा लागे पनि नेम्वाङले दुवै छोरा र छोरीलाई राजनीतिबाट धेरै टाढा राखेका थिए । एमालेमा मात्र होइन, नेपालको राजनीतिमै नेम्वाङलाई मध्यमार्गी राजनीतिज्ञ भनेर चिनिन्थ्यो ।

अब एमालेमा नेम्वाङको रिक्तता कसले पूरा गर्ला भन्ने चासो सर्वत्र देखिएको छ । कानुन व्यवसायी हुँदै मन्त्री, सभामुख र पार्टीको शीर्ष नेता बन्न सफल नेम्वाङ एमालेको बौद्धिक नेता थिए ।

एमालेलाई कानुनी र अन्य विषयमा उनले पार्टी नेतृत्वलाई सल्लाह र सुझाव दिँदै आएका थिए । अब उनको त्यो कमी एमालेमा देखिने पक्का छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपामा उथलपुथल, 'सुवासचन्द्र नेम्वाङलाई प्रधानमन्त्री बन्न अफर' !

प्रधानमन्त्री ओली बैठकमा जाने कि नजाने, उनि निकट नेता नेम्वाङले दिए यस्तो जानकारी

अध्यादेश जारी गर्ने ओलीको खिलापमा उभिए सुवासचन्द्र नेम्वाङ

ओलीको कदमले बाहिर निस्कनै सकेनन् सुवासचन्द्र नेम्वाङ, कोहीसँग कुरै गर्न चाहँदैनन्

संसद विघटनबारे किन बोल्दैनन् सुवासचन्द्र नेम्वाङ ? यस्तो रहेछ भित्रि रहस्य !

सुवासचन्द्र नेम्वाङलाई प्रश्न, घर जलिसकेपछि किन खरानी संकलन गर्नतिर लागेको ?