काठमाडौं – प्रतिनिधिसभा संसद विघटन गर्ने कम्युनिस्ट प्रधानमन्त्री केपी शर्मा ओली नेतृत्वको सरकारको निर्णयबारे तत्कालीन संविधानसभा अध्यक्ष सुवासचन्द्र नेम्वाङले केही नबोलेपछि सर्वत्र आलोचना भइरहेको छ ।

आँखिर नेम्वाङ किन मौन छन् ? नेम्वाङले २ वर्षअघि बोलेको कुराको भिडियो अहिले भाइरल भइरहेको छ ।

काभ्रेको धुलिखेलमा पत्रकारहरूसँग उतिबेला नेम्वाङले प्रधानमन्त्रीले चाहँदैमा संसद् विघटन नहुने अभिव्यक्ति दिएको सुन्न सकिन्छ । अहिले पनि संसद् विघटनबारे बोल्न नेम्वाङलाई चौतर्फी दबाब परेको छ । तर उनी खुलेरै बोल्न चाहिरहेका छैनन् ।

प्रधानमन्त्री केपी शर्मा ओली निकट नेता भएकाले उनले बोल्न अप्ठ्यारो परेको कतिपयले अनुमान गर्छन् । तर नेम्वाङले यसबारे नबोल्नुको भित्रि रहस्य बताएका छन् ।

नेता नेम्वाङले संसद् विघटनबारे नबोल्नुको संवैधानिक कारण रहेको बताएका छन् । ‘मैले २ वर्ष अगाडि पत्रकारहरुलाई भनेको जुन विषय छ, त्यसबारे अहिले नबोल्नुमा मेरो सैद्धान्तिक मान्यता कारण हो,’ उनले भनेका छन् ।

नेता नेम्वाङले संसद विघटनका विषयमा बोल्ने समय आउने बताएका छन् । ‘संसद् विघटनसँग सम्बन्धित विषय सर्वोच्च अदालतमा विचाराधीन रहेकाले मैले टिप्पणी गर्न मिल्दैन, बोल्न सुहाउँदैन । म नबोल्नुको कारण यो हो । मेरो सैद्धान्तिक मान्यता पनि हो,’ नेम्वाङले भने, ‘सर्वोच्च अदालतले फैसला गरेको भोलिपल्ट यस विषयमा जे–जे सोध्नुहुन्छ । जम्मै कुरा बोल्छु ।’

अदालतको फैसला आउनुअघि नै संसद् विघटन संवैधानिक थियो वा थिएन भन्नेबारे आफू नबोल्ने नेम्वाङले बताए । ‘मलाई विश्वास छ, यो विषय सर्वोच्च अदालतले टुंगो लगाउँछ । त्यसैले त्यो विषयमा म बोल्दिनँ अहिले । संविधानले नै मलाई त्यो निर्देशन गरेको छ,’ उनले भने ।

संविधान सभाबाट संविधान बनाउँदा नेम्वाङ २ पटक नै सभाध्यक्ष र सभामुखको दोहोरो भूमिकामा थिए । संविधान जारी भएपछि संविधानको रक्षा गर्न आफू वकालत पेशामा फर्कने समेत बताएका थिए । संसद् विघटन हुनुअघि पनि नेम्वाङले संसद विघटन गर्न संविधानले नै नदिने बताउने गरेका थिए । तर ओलीले संसद विघटन गरेपनि उनी मौन छन् ।

प्रधानमन्त्री ओलीले संसदको २ वर्षे कार्यकाल बाँकी रहँदै पुस ५ गते संसद् विघटन गर्दै बैशाख १७ र २७ गते मध्यावधि निर्वाचन गर्ने घोषणा गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?