काठमाडौं – नेपाल आयल निगमले बढाएको पेट्रोलियम पदार्थको मूल्यवृद्धिको विरोध गर्दै महासचिव नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले आज देशभर नेपाल बन्द आह्वान गरेको छ ।

नेपाल बन्दका कारण मंगलबार बिहानैदेखि यात्रुले सास्ती भोगेका छन् ।

लामो दूरीबाट यात्रा गरेर काठमाडौं आएका यात्रुलाई बिहानै सास्ती भएको छ । विभिन्न जिल्लाबाट काठमाडौं आइपुगेका यात्रु काठमाडौंका विभिन्न ठाउँमा अलपत्र परेका हुन् ।

काठमाडौंका कलंकी, नयाँ बसपार्क, बल्खु, कोटेश्वर लगायतका चोकमा झरेका यात्रुहरूले गन्तव्यमा जान सार्वजनिक गाडी कुरेर बसे पनि गाडी पाइएका छैनन् ।

अत्यावश्यक कामले काठमाडौं बाहिर जानुपर्ने यात्रुहरू समेत चोकचोकमा अलपत्र परेका छन् । बाहिरी जिल्लाबाट हिजो छुटेका गाडी बिहानै काठमाडौं आइपुगे पनि काठमाडौंबाट छुट्ने गाडी भने नगन्य रहेका छन् ।  

बन्दको प्रभाव कम गर्न ठाउँठाउँमा प्रहरी परिचालन भएका छन् । चोकचोकमा प्रहरीको उपस्थिति बाक्लो रहेको छ ।

सार्वजनिक गाडीको संख्या कम भए पनि निजी गाडी सामान्य रूपमा चलिरहेका छन् ।

बन्द आयोजक नेकपाले अत्यावश्यक सेवाहरू मेडिकल, अस्पताल, एम्बुलेन्स, दुध र तरकारी ढुवानीका साधन खुलै रहने जनाएको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीले धोका दिएपछि वारपारको हिसाब लिँदै विप्लव नेकपा !

प्रचण्डपत्नी सीता दाहालले भावुक हुँदै विप्लबलाई अंगालो हालेपछि ...

प्रचण्डलाई बोकेर विप्लव पुगे माधव नेपालको घर

प्रचण्ड, माधव नेपाल र विप्लवबीच भेटवार्ता, यस्तो छ नयाँ 'गेम प्लान' !

पेट्रोलको मूल्यवृद्धिविरुद्ध कात्तिक ३० गते नेपाल बन्द घोषणा (विज्ञप्तिसहित)

भोलि नेपाल बन्द, यी क्षेत्रहरू खुलै रहने (विज्ञप्तिसहित)