काठमाडौं -  चीनले कोभिड-१९ लाई कारण देखाउँदै सीमा क्षेत्रमा नाकाबन्दी गरेपछि नेपालको चीनसँगको व्यापारमा २५ प्रतिशतले गिरावट आएको छ । 

चालु आर्थिक वर्ष ०७७-७८ को पहिलो चार महिनाको अवधिमा नेपालको चीनसँगको व्यापार एक वर्षको अवधिलाई आधारमान्दा ठूलो गिरावट आएको भन्सार विभागको तथ्यांकले देखाएको छ । 

गत आर्थिक वर्षको पहिलो चार महिनामा व्यापारको तुलनामा २५ प्रतिशत अर्थात ५०८ मिलियन अमेरिकी डलरले गिरावट आएको हो । गत आर्थिक वर्षको पहिलो चार महिनामा ६८० मिलियन अमेरिकी डलरको व्यापार भएको थियो । 

चीन भारतपछि नेपालको दोस्रो ठूलो व्यापारिक साझेदार हो ।

"चीनको आयात कम हुन भनेको समग्र आयातमा परेको मन्दीको एक हिस्सा हो," भन्सार विभागका महानिर्देशक सुमन दाहालले मंगलबार सिन्ह्वालाई भने ।

चालु आर्थिक वर्षको पहिलो चार महिनाको अवधिमा नेपालको समग्र आयात १० दशमलव ६२ प्रतिशतले घटेर ३ दशमलव ३८ बिलियन अमेरिकी डलर पुगेको थियो । कोरोना महामारीले वैश्विक आपूर्ति श्रृंखलामा पुर्‍याएको अवरोधका कारण उक्त व्यापार घाटा बढेको बताइएको छ । 

दाहालले भने, "चीनसँगको व्यापारमा असर पारेको अर्को कारण स्थलमार्गबाट हुने चिनियाँ आयात ठप्पप्राय हुनु हो । तर भारतबाट हुने आयात भने स्थलमार्गबाटै निरन्तर भइरहेको छ ।"

रासुवागढी-केरुङ र तातोपानी नाका कोरोना महामारी भन्दै चीनले महिनौंसम्म नाकाबन्दी गरेपछि चिनियाँ आयात ठप्प भएको थियो । नेपालबाट चीनका मुख्य आयात हुने वस्तुहरू भनेको मोबाइल फोन, मेशिनरी, विद्युतीय वस्तुहरू, तयारी पोशाक र रासायनिक मल हुन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?