काठमाडौं - नेपालमा दलहरू खुल्ने अनि विभाजन हुने पुरानै रोग हो । अहिलेसम्म सबैभन्दा धेरै कम्युनिस्ट पार्टी विभाजन भएका छन् । त्यसपछि मधेस केन्द्रित दल विभाजन भएको इतिहास छ ।

धेरैपटक विभाजन हुनेमा पूर्वपञ्चहरूको पार्टी राप्रपा पनि पर्छ । २०४७ सालमा स्थापना भएको राप्रपा अहिलेसम्म झन्डै आधा दर्जनपटक विभाजन हुने र जोडिने क्रम जारी छ । यसपटकको निर्वाचनमा सफलता पाउनेमा राष्ट्रिय स्वतन्त्र पार्टी र राप्रपा अगाडि छन् ।

त्यसपछि नागरिक उन्मुक्ति पार्टी र जनमत पार्टी पर्छन् । नागरिक उन्मुक्ति र जनमत पार्टीमा अहिले खासै विवाद नदेखिए पनि राप्रपा, रास्वपा र जसपामा विवादका छिटा देखिन थालेका छन् । सरकारमा जाने र नजाने पक्षबीच विवाद बढ्दा दलहरू विभाजन नै हुनसक्ने खतरा बढेको छ ।

यी पार्टीमा सरकारमा सहभागी हुने वा नहुने भन्ने दुई पक्षीय मत छ । रास्वपाले सरकारमा सहभागी हुने या नहुने भन्ने सन्दर्भमा आधिकारिक निर्णय त गरिसकेको छैन । तर, सभापति रवि लामिछानेले सहभागी हुने इच्छा जाहेर गरेका छन् ।

यसअघि नै आफ्नो पार्टी सरकारमा सहभागी हुनसक्ने बताएका थिए । लामिछानेसहित रास्वपाका केही सांसद वर्तमान सत्ता गठबन्धनको सरकारमा सहभागी हुनुपर्ने पक्षमा रहँदै आएका छन् । नागरिकता समस्याले अप्ठ्यारोमा पर्ने बुझिसकेका अध्यक्ष लामिछाने सरकारमा सहभागी भएर सुरक्षित हुन खोजिरहेका छन् ।

लामिछाने सरकारमा सहभागी हुन खोजे पनि अन्य सांसद भने अहिलेको जनमत सरकारमा जाने नभएकाले सरकार बाहिरै बसेर जनताको काम गर्नुपर्ने पक्षमा छन् । प्रवक्ता मुकुल ढकाल, डीपी अर्याल, गणेश कार्कीसहितका नेता सरकारमा जान नहुने पक्षमा छन् ।

नयाँ सरकारमा सहभागी हुने कि नहुने भन्ने विषयले राप्रपामा पनि दुई धार देखिएको छ । अध्यक्ष राजेन्द्र लिङ्देन पार्टीले पाएको जनमत सरकारमा जाने मत नरहेको भन्दै आएका छन् तर अधिकांश सांसद भने सरकारमा जाने मन्त्री बन्ने पक्षमा रहेका छन् ।

निरन्तर सत्तामा रहँदै आएका दीपक बोहरा, लामो समयको प्रयासपछि संसद पुगेका विक्रम पाण्डे र ध्रुवबहादुर प्रधानहरू भने सरकारमा सहभागी भएर मन्त्री भइहाल्ने पक्षमा छन् । उपेन्द्र यादव नेतृत्वको जसपामा कुन गठबन्धनको सरकारमा सहभागी हुने भन्ने सन्दर्भमा विवाद देखिएको छ ।

निर्वाचनमा एमालेले धोका दिएपछि अध्यक्ष यादवले सार्वजनिक रुपमा एमालेसँगको सम्बन्ध सकिएको घोषणा गरेका थिए । तर, संघीय परिषद अध्यक्ष अशोक राईले भने अध्यक्षको धारणा पार्टीको धारणा नरहेको भन्दै खण्डन गरेका थिए ।

यादव र राईको धारणा जसपाभित्रको पछिल्लो लाइनको धारणा हो । यादव वर्तमान सत्ता गठबन्धनसँगै सहकार्य गर्न चाहन्छन् भने राई एमालेसँग नजिक हुँदै गएका छन् । एमालेले राईलाई आफैंसँग राखेर प्रदेश १ मा सरकार बनाउने रणनीति अख्तियार गरेको छ ।

सरकारमा सहभागी हुने सन्दर्भमा यादव समूह वर्तमान सत्ता गठबन्धनले बनाउने सरकारमा सहभागी हुनुपर्ने पक्षमा छ भने राई समूह एमालेसँग मिल्नुपर्ने पक्षमा रहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीले ढंग नपुर्‍याउँदा यसरी फैलिँदैछ कोरोना, किन भएनन् जनप्रतिनिधि परिचालन ?

ओली सरकारले विपद् व्यवस्थापन गर्न १४ महिनामा ७ अर्ब झ्वाम गरेकै हो? 

रेशम चौधरी छुटाउन सरकारले चाल्यो यस्तो कदम, अब के होला? 

नयाँ सरकार गठन हुँदै, को बन्ला प्रधानमन्त्री?

चौतर्फी आलोचनापछि सूचना वर्गिकरण गर्ने निर्णयबाट पछि हट्यो सरकार

नागरिक उन्मुक्ति पार्टीले दियाे सरकारलाई यस्ताे चेतावनी