काठमाडौं - एमालेले तीन वर्षपछि वामदेव गौतमलाई राष्ट्रिय सभा सदस्य बनाएकोमा पछुतो मानेको छ ।

२०७४ को निर्वाचनमा बर्दिया १ बाट पराजित गौतमलाई एमालेले संविधान संशोधन गरेर राष्ट्रिय सभा सदस्य बनाएको थियो । तर अहिले तिनै वामदेव एमालेसँग छैनन् ।

उनले एमाले परित्याग गरिसकेका छन् । विगतमा नेकपाको सरकार हुँदा राष्ट्रपतिबाट वामदेव गौतमलाई राष्ट्रिय सभा सदस्यमा मनोनयन गर्नु गल्ती भएको एमाले नेता विशाल भट्टराईले बताएका छन् ।

उनले संसदीय चुनावमा हारेका व्यक्तिलाई राष्ट्रिय सभामा पठाउने विकृतिको सुरुवात एमालेले नै गरेको भट्टराईको स्वीकारोक्ति छ । विगतमा एमाले र माओवादीले गरेको सिकोलाई अहिले कांग्रेसलगायत दलले निरन्तरता दिएका छन् ।

आगामी माघ ११ गते हुने राष्ट्रिय सभा निर्वाचनमा कांग्रेस, एमाले, माओवादीलगायत दलले संसदीय चुनावमा पराजित भइसकेका अनुहारलाई टिकट दिएका छन् ।

त्यसको सुरुवात एमाले अध्यक्ष केपी ओली र माओवादी अध्यक्ष पुष्पकमल दाहाल प्रचण्डले वामदेव गौतम र नारायणकाजी श्रेष्ठबाट सुरु गरेका थिए ।

श्रेष्ठ माओवादीमै छन् । तर वामदेव न ओलीका हुन सके, न प्रचण्डका नै । यदि वामदेवले राष्ट्रिय सभामा एमालेलाई साथ दिए एमाले तेस्रो दल हुनेछ । नदिए एकीकृत समाजवादीकै हाराहारीमा हुने अवस्था छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गठबन्धनले जित्ने भए वामदेव गौतम र नारायणकाजी श्रेष्ठले हार्दैनथे

अध्यक्ष बन्ने धोको नयाँ पार्टी खोलेर पूरा गर्दै वामदेव

वामदेवलाई निष्कासन गर्ने सफलले यतिसम्म फट्याइँ गरेका रहेछन्

वामदेव र नारायणकाजीकै कारण नेपालको राजनीति सधैं बबण्डर

गुमनाम वामदेव फुत्त निस्केर फेरि अलाप्न थाले वाम एकताको नारा

राजनीति छाडेर दर्शनशास्त्र पढ्दै वामदेव, आफूलाई कसैले गन्नै छाडेको गुनासो