काठमाडौं - यतिबेला नेपालको राजनीति स्थानीय तहको निर्वाचनमा होमिएको छ । सबै दलका नेताहरू चुनाव अभियानमा लागेका छन् ।

शीर्ष नेताहरूको दौडधूप तीव्र छ । कांग्रेस सभापति शेरबहादुर देउवा, एमाले अध्यक्ष केपी ओली, माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल, कांग्रेस महामन्त्री गगन थापालाई भ्याइ नभ्याइ छ । सँगसँगै दलहरू घोषणापत्र लेखन र चुनावी तालमेलबारे पनि छलफलमा जुटेका छन् ।

स्थानीय तहको निर्वाचनमा कसले बढी सिट हासिल गर्ने भन्ने अभियानमा दलहरू छन् । अहिले सबैभन्दा बढी चासोको विषय चुनावी गठबन्धन हुन्छ कि दलहरू एक्ला एक्लै लड्छन् भन्ने छ ।

यही विषयमा छलफल गर्न आज कांग्रेस केन्द्रीय समिति बैठक बस्दैछ । कांग्रेसको बैठकलाई लिएर सबैतिर चासो बढेको छ । एमाले अध्यक्ष केपी ओलीले पार्टीका पदाधिकारीहरूसँग भर्चुअल संवाद गर्दैछन् ।

एमाले अहिले एक्लै लड्ने, कमजोर भएको ठाउँमा मात्र चुनावी तालमेल गर्ने पक्षमा छ । सबैभन्दा सकसमा कांग्रेस छ । पाँचदलीय गठबन्धनमा आबद्ध भएकाले चुनावमा कसरी जाने भन्ने सकसमा कांग्रेस छ ।

एक्लै जाउँ कम्युनिस्ट गठबन्धन होला भन्ने डर, नजाऔं भने अरु दललाई धेरै भाग दिँदा आफूलाई रित्तिने डर । त्यही भएर कांग्रेसले कस्तो निर्णय गर्छ भन्ने सबैलाई परेको हो ।

०७४ सालको निर्वाचनमा एमाले र माओवादी केन्द्रबीच तालमेल भएको थियो । गठबन्धनका बाबजुद एमाले नेता वामदेव गौतम र माओवादी नेता नारायणकाजी श्रेष्ठ पराजित भएका थिए ।

देशभर एमाले र माओवादीका अधिकांश नेताले जित्दा गौतम र श्रेष्ठ भने पराजित भएका थिए । त्यही भएर चुनावी गठबन्धनले मात्र जित्ने भन्ने हुन्न । फेरि पनि त्यस्तै अवस्था नहोला भन्ने छैन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अध्यक्ष बन्ने धोको नयाँ पार्टी खोलेर पूरा गर्दै वामदेव

वामदेवलाई निष्कासन गर्ने सफलले यतिसम्म फट्याइँ गरेका रहेछन्

वामदेव र नारायणकाजीकै कारण नेपालको राजनीति सधैं बबण्डर

गुमनाम वामदेव फुत्त निस्केर फेरि अलाप्न थाले वाम एकताको नारा

राजनीति छाडेर दर्शनशास्त्र पढ्दै वामदेव, आफूलाई कसैले गन्नै छाडेको गुनासो

वामदेव भेट्न गएका ओलीले सुवास नेम्वाङलाई भोट नमागी फर्केपछि