काठमाडौं - नेपालको राजनीतिमा वामदेव गौतम र नारायणकाजी श्रेष्ठ यस्ता पात्र हुन्, जसका कारण राजनीति सधैं अस्थिर हुने गरेको छ ।

नेपालमा सयौं नेताहरू छन् । अधिकांश नेताहरू स्थिर छन् । राजनीतिमा आफ्नै ढंगले लागिरहेका छन् । तर, वामदेव र नारायणकाजी भने दुई चार महिनामा विभिन्न कारणले चर्चामा आइरहन्छन् । यी दुवै नेता स्थिर रहने स्वभावका छैनन् ।

यदि वामदेव र नारायणकाजीले चुनाव हारेर पनि पाँच वर्षमै सांसद बन्ने महत्वाकांक्षा नराखेको भए अहिलेसम्म केपी ओली प्रधानमन्त्रीमै रहन्थे । नेकपाको सरकार रहन्थ्यो ।

तर, प्रतिनिधिसभा निर्वाचनमा पराजित भए पनि यी दुवै नेताले सांसद र मन्त्री बन्ने लोभ देखाएकैले नेपालको राजनीति तरल बन्न पुगेको हो । वामदेव बर्दिया र नारायणकाजी गोरखाबाट पराजित भएका हुन् ।

कांग्रेस र एमालेमा अरु ठूल्ठूला नेताहरू जो चुनावमा पराजित भए, तर पाँच वर्षसम्म सांसद बन्ने लोभ देखाएनन् । तर चुनाव हारे पनि वामदेवलाई प्रधानमन्त्री बन्ने मोह पलायो । नारायणकाजीलाई मन्त्री बन्ने इच्छा पलायो ।

सोही कारण दुवैले केपी ओली र प्रचण्डलाई घुर्की र धम्की देखाएर राष्ट्रिय सभाको सांसद पद हात पारे । त्यो पनि संविधान संशोधन गरेर । जबकि संविधानमा प्रतिनिधिसभामा पराजित भएको व्यक्ति त्यही कार्यकालमा राष्ट्रिय सभामा सांसद र मन्त्री बन्न नपाउने व्यवस्था उल्लेख गरिएको थियो ।

तर, वामदेव र नारायणकाजीकै कारण संविधानको बलात् चिरहरण गरियो । अहिले वामदेव एमालेमा छैनन् । नारायणकाजी माओवादीमै छन् । तर, कम्युनिस्टबीच एकता र सहकार्य हुनुपर्छ भन्दै हिँडेका छन् ।

उनीहरूको स्वार्थ छ, नेकपाकालीन समयकै जस्तो घुर्की र धम्की दिएर लाभको पद लिने । देश र जनताको नाम लिने तर लाभ चाहिँ आफूले लिने उनीहरूको रणनीति देखिन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नारायणकाजी श्रेष्ठ माथि विष्णु रिमालको फायर, दिए यस्तो चेतावनी

बामदेव र नारायणकाजीको चुनाव हारेर पनि भाग्य चम्किँदै, दुवै उपप्रधानमन्त्री हुने पक्का! 

ओलीको खतरनाक खेलले बामदेब र नारायणकाजी तनाबमा, उथलपुथल हुने संकेत !

दसैँको मुखमा नेकपामा बामदेब र नारायणकाजिको भाग्य खुल्दै, शपथ आजै !

नेकपा बैठक : चुनाव हारेका बामदेव र नाराययणकाजी मन्त्री बन्लान् ?

कांग्रेसले जारी गर्यो नेकपाका प्रवक्ता हराएको सूचना !