काठमाडौं - उत्तरतर्फको छिमेकी चीनले मुखले एउटा बोल्ने, काम भने अर्को गर्दै आएको छ ।

भूकम्पको आठ वर्ष पाँच महिनापछि उत्तरी तातोपानी नाका सर्वसाधारणका लागि खुलाइए पनि चीनले निर्यातलाई प्राथमिकता नदिँदा नेपाली व्यवसायी निराश भएका छन् ।

गत भदौ १५ मा तातोपानी नाका सर्वसाधारणका लागि सञ्चालनमा ल्याइएको थियो । पूर्णरूपमा खोलिएको नाकामा हालसम्म चिनियाँले एकोहोरो आफ्नो सामान मात्रै बिक्री गरिरहेका छन् ।

आयात दिनहुँ बढ्दो रहेको र निर्यात भने ठप्प भएपछि नेपाली व्यवसायी चिन्तामा परेको भोटेकोशी चेम्बर अफ कमर्सले जनाएको छ । स्थानीय व्यवसायीलाई नेपालबाट कुनै पनि स्थानीय उत्पादन र सामग्री चिनियाँ बजारमा लैजान दिइएको छैन ।

चीनले गत वैशाखमा तातोपानी नाकाबाट निर्यात गर्ने बाटो खोलेको थियो । सीमा गाउँमा उत्पादित अर्गानिक साग, निगुरो, फलफूलसमेत चिनियाँ बजारमा लैजान दिइएको छैन ।

नेपालमा बनेको एक पोका चाउचाउसमेत चिनियाँले लाँदैनन् । चिनियाँ मालसामान मात्रै बेच्ने चीनको नीतिले नेपाललाई घाटा परेको छ ।

भूकम्पअघि तातोपानीबाट हस्तकला, वनस्पति, जडीबुटी, चाउचाउ जस्ता एक सय ८२ प्रकारका सामग्री चीनको खासा, सिगात्से र ल्हासा बजारमा निर्यात हुने गर्थे ।

यहाँका सयौं व्यापारी निर्यातमा निर्भर थिए । तर अहिले चीनले निर्यात ठप्प बनाएको छ । वैशाख १८ मा निर्यात खुलेलगत्तै ७ कन्टेनरमा मुढा, मेट्रेस, कुर्सीलगायत ४३ लाख बराबरका सामग्री चीनमा पैठारी गरिएको थियो ।

त्यसयता कुनै निर्यात हुन सकेको छैन । यस वर्ष चार अर्ब ८० करोड राजस्व संकलनको लक्ष्य राखिएकामा अहिलेसम्म एक अर्ब ८० करोड संकलन भएको छ । 

नाका खुलेको दिनबाहेक सामग्री अर्डर जिरो छ, सबै सामग्री रसुवागढी नाकाबाट ल्याएको हुनाले तातोपानीबाट अर्डर नगरेको चिनियाँ कम्पनीले बताउँदै आएका छन् ।

तातोपानी हुँदै दिनहुँ ४० जना चिनियाँ नेपाल आइरहेका छन् भने दुई सयभन्दा बढी नेपाली सामान किन्न चिनियाँ बजार पुग्छन् । चीनले व्यवस्थित पार्किड, अध्यागमन, सुरक्षा तथा प्रशासनिक भवन र बजार ठड्याएको छ ।

नेपालतर्फ मितेरी पुलनजिकै रहेको अध्यागमन कार्यालय कोदारीको आफ्नै भवन छैन, सञ्चालित भवन र कार्यालय राखिएको भाग जीर्ण छ । नियमित विद्युत् र सहज नभएकाले नेपाल घुम्न आउने चिनियाँ पर्यटकलाई भिसा इन्ट्री गर्न घण्टौंसम्म कुर्नुपर्ने बाध्यता छ ।

खण्डहर घरले भरिएको लिपिङ बजार, जीर्ण अध्यागमन भवन र अव्यवस्थित भन्सार गेट, ध्वस्त सडक, क्वारेन्टाइनदेखि आयातित वस्तुको गुणस्तर परीक्षण गर्ने उपकरणसमेत छैन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?