काठमाडौं - सुन तस्कर समूहले दोलखालाई सुन तस्करीको नयाँ बाटो बनाएको भेटिएको छ ।

प्रहरीले बुधबार राति चार केजी सुनसहित तीनजनालाई पक्राउ गरेपछि यो तथ्य खुलेको हो ।

दोलखाको विगु गाउँपालिकास्थित जामुनेबाट चार केजी सुनसहित तीनजनालाई पक्राउ गरिएको दोलखाका प्रहरी प्रमुख प्रहरी नायव उपरीक्षक दिपक खड्काले जानकारी दिए ।

बरामद सुन लप्ची नाकाबाट भित्रिएको आशंका गरिएको छ । पक्राउ परेको तीनमध्ये दुईजनाले सुन बोकेको र एकजना सँगै थिए ।

तीनैजना विगु–१ लामाबगर क्षेत्रको रहेको प्रहरीले जनाएको छ । चीन सरकारले आइतवारमात्र तिब्बतसँग जोडिएको दोलखाको दुईवटा नाका खुला गरेको थियो ।

बरामद पहेंलो धातु परीक्षणको क्रममा रहेको प्रहरीले जनाएको छ । प्रहरीले यसबारे बिहीबार पत्रकार सम्मेलन गरी जानकारी दिने तयारी गरेको छ ।

स्रोतका अनुसार ११ किलो सुन बरामद भएकोमा प्रहरीले चार किलोको मात्र जानकारी गराएको छ । सात किलोबारे केही भनिएको छैन । यसअघि धादिङमा सुन बरामद भएको २४ घन्टामै पित्तलमा परिणत भएको थियो ।

दोलखाबाट बरामद सुनलाई पित्तल बनाउने तयारी भएको बुझिएको छ । तस्कर समूहले ११ किलो सुन ल्याएको खबर गरेका थिए । तर प्रहरीले चार किलो मात्र बरामद भएको जानकारी दिनुले ठूलै घोप्लाबाजी भएको अनुमान गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?