काठमाडौं - टी–२० अन्तर्राष्ट्रिय क्रिकेटमा नेपालले तीनवटा दुर्लभ कीर्तिमान बनाएको छ । चीनमा जारी एसियन गेम्समा पुरुष क्रिकेटअन्तर्गतको खेलमा नेपालले सबैभन्दा धेरै रन बनाउने, कम बलमा शतक र अर्धशतकको कीर्तिमान बनाएको हो ।

मंगोलिया विरुद्ध टस हारेर पहिले ब्याटिङ गरेको नेपालले निर्धारित २० ओभरमा तीन विकेटको क्षतिमा ३१४ रन बनायो । यो टी–२० अन्तर्राष्ट्रिय खेलकै सबैभन्दा उच्च स्कोर हो ।

नेपालले यसअघि अफगानिस्तानको नाममा रहेको २७८ रनको रेकर्ड तोडेको हो । खेलमा कुशल मल्लले ३४ बलमै शतक प्रहार गर्दै अर्को विश्व रेकर्ड बनाएका छन् । मल्लले कुल ५० बलमा १३७ रन बनाए ।

यसअघि अष्ट्रेलियाका डेभिड वार्नर र भारतका रोहित शर्माले ३५ बलमा शतक बनाएर कीर्तिमान बनाएका थिए । मल्लले सो रेकर्ड तोकेका हुन् ।

दिपेन्द्रसिंह ऐरीले नौ बलमै ५० रन बनाएर अर्को विश्व रेकर्ड बनाएका छन् । ऐरीले भारतका युवराज सिंहका रेकर्ड तोडेका छन् । युवराजले १२ बलमा अर्धशतक बनाएका थिए । ऐरीले नौ बलमै अर्धशतक बनाएर युवराजको रेकर्ड तोडेका हुन् ।

अविश्वसनीय हिटिङ गर्दै ऐरीले आफूले सामना गरेको पहिलो ६ बलमा ६ छक्का प्रहार गरेका थिए । १० बलको सामना गर्दा उनले आठ छक्का हिर्काए ।

खेलमा कुशल भुर्तेलले १९, आशिफ शेखले १६, कुशल मल्लले १३७, रोहित पौडेलले २७ बलमा ६१ रन र दिपेन्द्र ऐरीले १० बलमा ५२ रन बनाए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आइपीएल : बैंगलोरको सुखद सुरुवात

आइपीएल : रोहित शर्मा चम्किएपछि मुम्बइको जीत

सन्दीप लामिछानेलाई नखेलाएको दिल्लीले हैदरावादसँग हार्याे

सन्दीप लामिछाने नखेलेको खेलमा पनि दिल्लीले बेंगलोरलाई हरायो

सन्दीप लामिछाने आवद्ध दिल्ली आइपीएलको शीर्ष स्थानमा उक्लियो

आइपीएल थप रोमान्चक बन्दै, हैदाराबादसँग बैंगलोर पराजित !