काठमाडौं - केही समययता नेपालमा चिनियाँ गतिविधि ह्वात्तै बढेको छ । केपी ओली प्रधानमन्त्री भएका बेला पनि यसरी नै चिनियाँ गतिविधि बढेको थियो ।

बीचको डेढ वर्ष कांग्रेस सभापति शेरबहादुर देउवा प्रधानमन्त्री हुँदा अलि कम भएको थियो । पाँच महिनायता चिनियाँ नेताहरू नेपाल भ्रमणमा आएको आयै छन् । पछिल्लो समय चीनले नेपालमा महिनामा दुईवटा टोली भ्रमणमा पठाउने गरेको छ ।

भारत, अमेरिकालगायत देशको प्रभाव नबढोस् भन्दै चीनले सानादेखि ठूला नेतासम्म नेपाल पठाउने गरेको छ । महिनामा दुईवटासम्म चिनियाँ टोली आउँदा अरु देशलाई गतिविधि गर्न अप्ठेरो परोस् भन्ने बुझाई चीनको देखिएको छ ।

सोही कारण चीनले अघोषित रूपमा नेपालमा राजनीतिक हस्तक्षेप गरिरहेको बुझाई कूटनीतिक क्षेत्रका जानकारहरू बताउँछन् ।

नेपालका उपराष्ट्रपति रामसहायप्रसाद यादव चीन उडेको भोलिपल्टै बुधबार चिनियाँ सेनाको एक टोली आज नेपाल आउँदै छ ।

नेपाली सेनाका प्रवक्ता कृष्णप्रसाद भण्डारीका अनुसार चीनको तिब्बत मिलिट्री कमाण्डको मेजर जनरल यु एन दे नेतृत्वको टोली आज दिउँसो काठमाडौं आउन लागेको हो ।

चिनियाँ सेनाको उक्त टोली तीन दिने औपचारिक भ्रमणका लागि काठमाडौं आउन लागेको हो । चिनियाँ टोलीले प्रधानसेनापति प्रभुराम शर्मालगायतसँग भेटवार्ता गर्ने कार्यक्रम छ ।

टोलीले प्रधानमन्त्री पुष्पकमल दाहाल प्रचण्ड, उपप्रधान एवं रक्षामन्त्री पूर्णबहादुर खड्का लगायतसँग पनि भेट्ने कार्यक्रम रहेको बताइएको छ । दुई साताअघि मात्रै उच्चस्तरीय चिनियाँ प्रतिनिधिमण्डल नेपाल आएर फर्केको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?