काठमाडौं  - परराष्ट्रमन्त्री एनपी साउदले नेपाली कांग्रेसका सभापति शेरबहादुर देउवा भाग्यले नभई योग्यताले पाँचपटक प्रधानमन्त्री भएको बताएका छन् ।

आइतबार नेपाली कांग्रेस गाउँ कार्यसमिति चौरपाटी अछामले आयोजना गरेको स्वागत तथा सम्मान कार्यक्रममा उनले पार्टीको विचारकै कारण देउवाले प्रधानमन्त्री बन्ने अवसर पाइरहेको बताएका हुन् ।

‘धेरै मान्छेले भन्छन् शेरबहादुर देउवा भाग्यले प्रधानमन्त्री भएका हुन्। उहाँ भाग्यले प्रधानमन्त्री हुनुभएको होइन। तपाईं कसैलाई पाउनु हुन्छ पाँचपटक लट्री परेको मान्छे ? कहीँ पाँचपटक एकै मान्छेलाई लट्री पर्छ ? शेरबहादुर देउवा भाग्यले होइन, योग्यताले प्रधानमन्त्री हुनुभएको हो, पार्टीको विचारले हुनुभएको हो।नेतामा योग्यता, पार्टीमा विचार र चिन्तनले यो कुरा भएको हो । किनभने यो पार्टी सबै पार्टीलाई संगसंगै लैजान सक्ने पार्टी हो,’ साउदले भने ।

उनले कांग्रेसले अन्तर्रास्ट्रिय शक्तिलाई आश्वस्त र विश्वस्त पार्न सक्ने, लगानीमैत्री वातावरण बनाएर आर्थिक वृद्धिको प्रक्रियालाई अगाडि बढाउन सक्ने भएकाले लोकतन्त्रका सबैभन्दा भरपर्दो पार्टी भएको उल्लेख गरे ।

‘नयाँ नयाँ पार्टी आइरहेका छन्। सोसल मिडियाबाहेक उनीहरुको कतै संगठन छैन। उनीहरु अर्का पार्टीका कार्यकर्तालाई हामीलाई भोट दिनु भन्छन् । पार्टी पद्धतिमा विश्वास गर्दैनन् । पार्टी पद्धतिमा विश्वास नगर्नेले देश सञ्चलन गर्न सक्दैनन्। त्यही भएर लगातार विवादमा परिराखेका छन्,’ उनले भने । मन्त्री साउदले कम्युनिस्ट नेता र पार्टीको विचारको पनि आलोचना गरे ।

‘वामपन्थीको चिन्तन उत्पादन नबढाउने, वितरणमात्र बढाउने हुन्छ। बाँड्दै जाँदा सबैलाई पुग्ने गरी बाँड्नु पर्छ। तर उनीहरु सबैलाई पुग्ने गरी बाँड्दैनन्। कतै धेरै त कतै अनिकाल पर्ने गरी वितरण गर्छन्। एमाले नेतृत्वको सरकारले आर्थिक अनिकाल आउने परिस्थिति निर्माण गरेको छ,’ उनले भने ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओली–प्रचण्डलाई कांग्रेस नेताको प्रश्न : चीनले नेपाली सीमा मिच्दा किन बोल्न सक्नुभएन ?

कांग्रेसका नेता साउदमाथि ओली समूहका कार्यकर्ताले गरे आक्रमण, ३ जना घाइते

कांग्रेसले कञ्चनपुरका आरक्ष पीडितको समस्या समाधान गर्न खोज्दा कम्युनिस्टहरुले रोकेको खुलासा

आफैं कोरोना संक्रमित भएका कांग्रेस नेता साउदले जनताकाे जीवन रक्षाका लागि पठाए स्वास्थ्य सामग्री

एनपी साउँदले गरे कांग्रेस चम्काउने काम : आफैं संक्रमित भएका बेला जनतालाई लाखौंको सहयोग

कांग्रेस नेता साउँदले फेरि पठाए कञ्‍चनपुरमा स्वास्थ्य सामग्री