दोलखा - नेपाली कांग्रेसका केन्द्रीय सदस्य अजयबाबु शिवाकोटीले चप्पल पड्काउँदै राजनीतिमा आएका कम्युनिष्ट नेता अर्बौंपति हुँदा जनताको अवस्था भने जहाँको त्यहीँ भएको बताएका छन् ।

गृहजिल्ला दोलखाको जिरी नगरपालिकामा आयोजित जनतासँग कांग्रेस कार्यक्रमलाई सम्बोधन गर्दै कांग्रेस केन्द्रीय सदस्य शिवाकोटीले विगत ३० वर्षदेखि दोलखामा एकलौटी शासन गरिरहेको कम्युनिष्ट पाटीका अधिकांश नेताहरु राजनीतिमा संलग्न भएयता अर्बपति भएर बिलासी जीवन बिताइरहँदा जनताको अवस्था भने जहाँको त्यहीँ हुनु दुःखद भएको बताए ।

राजनीति सेवाको कर्म भएको उल्लेख गर्दै केन्द्रीय सदस्य शिवाकोटीले कम्युनिष्ट नेताहरु सोझा सीधा जनताको मत लिएर व्यक्तिगत स्वार्थमा लागेको आरोप लगाए । उनले चुनौती दिँदै भने ‘हिजो चप्पल पड्काउँदै शहर छिरेर राजनीतिमा जोडिएका कम्युनिष्ट नेताहरुको सम्पत्ति हेर्ने हो भने कहालीलाग्दो छ । त्यो कहाँबाट प्राप्त भयो ?

जनताको नाममा जनतालाई गुमराहमा राख्दै ३० वर्ष शासन गरेका कम्युनिष्टलाई अब जनताले ३० वर्षे पञ्चायत शासन व्यवस्था जस्तै फाल्ने समय आएको शिवाकोटीले बताए ।

दोलखामा राजनीतिमा जकडिएको एमालेलगायत कम्युनिष्ट पार्टीको विकल्प खोज्न तमाम जिल्लावासीहरुलाई उनले आग्रहसमेत गरे ।

उनले भने, ‘पटक पटक नागरिकको मत कब्जा गरेको के नेताहरुलाई सम्पत्ति आर्जनका लागि मात्रै हो ?’ आम दोलखालीले गहिरो विष्लेषण गर्दै आगामी निर्वाचनमा नेपाली कांग्रेसलाई विजयी गराउनुको विकल्प नरहेको उनले बताए ।

शुक्रबार जिरी पुगेका केन्द्रीय सदस्य शिवाकोटीले जिरी नगरमा भएको मनपरी र अनियमितताविरुद्ध खुलेर प्रतिवाद गर्न आम कार्यकर्ताहरुलाई निर्देशनसमेत दिए । उनले ऐतिहासिक महत्वको भन्दै भ्रष्टाचारको अखडा बनाउन खोजिएको मानवनिर्मित जिरी तालको डीपीआरमा गरिएको करौडौंको खर्च विवरण सार्वजनिक गर्न जिरी नगरपालिका नेतृत्वलाई चुनौतीसमेत दिएका छन् ।

सोही कार्यक्रममा केन्द्रीय सदस्य शिवाकोटीले विभिन्न पाटी परित्याग गरि नेपाली कांग्रेसमा प्रवेश गर्ने ३ दर्जन भन्दा धेरै एमाले र माओवादीका नेता कार्यकर्ताहरुलाई कांग्रेसमा स्वागत गर्दै प्रवेश गराए । त्यसरी प्रवेश गर्नेहरुमा यस अघिको स्थानीय निर्वाचनमा जिरी नगरको वडा तथा नगरको निर्वाचनमा होमिएका उम्मेदवारहरु छन् ।

कार्यक्रममा नेपाली कांग्रेस दोलखाका प्रभावशाली नेता तारा कुमार खड्का , जिरी नगर सभापति शोनाम शेर्पा, लाक्पा शेर्पा, महिला नेतृ लिला जिरेल, आङपासाङ शेर्पा, विवेककुमार खत्री,संंजु शेर्पा लगायतका नेताहरुले शुभकामना मन्तव्य दिएका थिए ।

मन्तव्यका क्रममा अधिकांश नेताहरुले एमालेले नेतृत्व गरिरहेको जिरी नगरपालिकामा अनियमितता र भ्रष्टाचारले जरो गाडेको जनाउँदै आसन्न निर्वाचनमा कांग्रेसलाई मतदान गरी सिंगो नगरको विकास र समृद्धिमा सघाउन आम जिरीवासीलाई अनुरोधसमेत गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रेस युनियनका केन्द्रिय महासचिव शिवाकोटीले गरे अक्षयकोषमा आर्थिक सहयोग

प्रधानमन्त्रीले राष्ट्रपतिलाई गरेको सिफारिसप्रति प्रेस युनियन केन्द्रीय समितिले गर्यो गम्भीर ध्यानाकर्षण

प्रेस युनियनका महासचिव शिवाकोटीलाई ५० हजार नगदसहित सम्मान

अजयबाबु शिवाकोटीको अर्को सफलता

प्रेस युनियन महासचिव अजयबाबु शिवाकोटी कांग्रेस केन्द्रीय सदस्य उठ्ने

नेपालमा कम्युनिष्ट तरङ्गलाई चिरेका शिवाकोटी केन्द्रीय सदस्यका उम्मेदवार