काठमाडौं - यतिबेला देशभर कोरोना संक्रमितको दर तीव्र ढंगले फैलिरहेको छ । मृत्युदर त अहिलेसम्मकै उच्च देखिएको छ ।

अस्पताल सबै भरिएका छन् । कहीँकतै अब नयाँ संक्रमितले बेड पाउने अवस्था छैन । अक्सिजन सकिएर अस्पतालले नयाँ विरामी भर्ना नलिने बताइसकेका छन् । गंगालाल अस्पतालले त आजदेखि मुटुको अप्रेसन पनि रोकेको छ, कारण अक्सिजन नभएर । 

अस्पतालमा बेड नपाएर, एम्बुलेन्सले लैजान नमानेर अहिले घरघरमा कोरोना संक्रमितको मृत्यु हुन थालेको छ । कतिपय जिल्लामा त दुई तीन बितिसक्दा पनि शव उठ्न नसकेको समाचार आउन थालेका छन् । तर, कम्युनिस्ट सरकार भने कुर्सीको तमासा देखाउन व्यस्त छ । जबदेखि नेपालमा कोरोना संक्रमण सुरु भयो, तबदेखि केपी ओली सत्ताको म्युजिकल चेयरमा रमाइरहेका छन् ।

अहिलेसम्म २३ लाख बढीले नेपालमा कोरोनाविरुद्धको खोप लगाइसकेका छन् । त्यसमध्ये साढे तीन लाखले मात्र दोस्रो डोज खोप लगाएका छन् । १९ लाखले पहिलो डोज मात्र लगाएका छन् । अब उनीहरूलाई दोस्रो डोज दिने खोप बाँकी छ कि छैन सरकारले जानकारी गराएको छैन ।

बरु ५० लाख खोप ल्याउने भने पनि कमिसनकै कारण त्यो रोकिएको छ । १० लाख खोप त भुक्तानी गरिसकेर पनि ओली निकटकै व्यापारी सुरज वैद्य र विजय दुगडले कमिसन नपाएपछि सिरम इन्स्टिच्युटले रोकेको छ ।

पशुपतिको आर्यघाटमा चौरमै शव जलाउन थालिएको छ । सरकारले आर्यघाटमा कोरोना संक्रमित भएर मृत्यु हुनेको शव जलाउन घाट थप्यो, तर कोरोनाविरुद्धको खोप कमिसनकै कारण खरिद गर्न सकेन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह