काठमाडौं – नेपालको प्रतिनिधि सभाका १४ जना सांसदमा एकैपल्ट कोरोना भाइरस संक्रमण पुष्टि भएको छ ।

प्रधानमन्त्री केपी शर्मा ओलीले विश्वासको मत लिन विशेष अधिवेशनको तयारीका लागि गरिएको जाँचमा सांसद, कर्मचारी र सुरक्षाकर्मीलाई कोरोना पुष्टि भएको हो ।

संसद् भवन नयाँ बानेश्वरमा बैशाख २२ र २३ गते भएको परीक्षणमा सहभागीमध्ये १० प्रतिशत व्यक्तिहरूमा कोरोना संक्रमण देखिएको सचिवालयले जनाएको छ ।

बुधबार र बिहीबार परीक्षण गरिएकामध्ये ६१३ जनाको रिपोर्ट आउँदा ६५ जनालाई कोरोना संक्रमण देखिएको छ । १४ जना सांसद, केही कर्मचारी, मर्यादापालक र संसदीय मामिलाको रिपोर्टिङ गरिरहेका केही पत्रकारमा कोरोना पुष्टि भएको संसद् सचिवालय स्रोतले जनाएको छ ।

सभामुख अग्निप्रसाद सापकोटासहित उनका सचिवालयका कसैलाई पनि संक्रमण नदेखिएको जनाइएको छ । प्रधानमन्त्री ओलीले विश्वासको मत लिने प्रयोजनका लागि प्रतिनिधि सभाको बैठक बैशाख २७ गते बस्ने तय भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह