काठमाडौं – कोरोना भाइरस संक्रमणको महामारी तीब्ररूपमा बढेपछि आन्तरिक र बाह्य हवाइ उडान बन्द गर्ने निष्कर्षमा सरकार पुगेको छ ।

सरकारले गठन गरेको कोभिड संकट व्यवस्थापन केन्द्र (सीसीएमसी) ले कोरोना भाइरसबाट अतिप्रभावित १० देशबाट नेपालसँग हुने सिधा अन्तर्राष्ट्रिय हवाइ उडानमा रोक लगाउन मन्त्रिपरिषद् कार्यालयलाई सिफारिस गरेको छ ।

मन्त्रिपरिषद् बैठकले निर्णय गरेपछि सीसीएमसीको सिफारिस कार्यान्वयन हुनेछ । सीसीएमसीको हिजो शुक्रवार साँझ बसेको बैठकले मुलुकभित्र कोरोना भाइरसको संक्रमण भयावहरूपमा फैलिएको निष्कर्ष निकाल्दै आन्तरिक उडान पनि बन्द गर्न सिफारिस गरेको छ ।

संस्कृति, पर्यटन तथा नागरिक उड्ययन मन्त्री भानुभक्त ढकालले कोरोनाबाट अतिप्रभावित मुलुकहरू भारत, अमेरिका, बेलायत लगायतका १० देशबाट हुने उद्गमस्थलको उडानलाई रोक लगाउन सीसीएमसीबाट सिफारिस गरिएको छ । मन्त्री ढकालले ट्रान्जिट हुँदै आउने विमानमा नियम लागू नहुने बताएका छन् ।

‘आन्तरिक उडान समेत बन्द गरौं भन्ने प्रस्ताव भएको छ । परिस्थिति भयावह भएको निष्कर्ष रह्यो,’ मन्त्री ढकालले भनेका छन् ।

बैठकले भारतसँगका २२ सीमा नाका बन्द गर्न समेत मन्त्रिपरिषद् कार्यालयमा सिफारिस गरेको जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह