काठमाडौं - गण्डकी प्रदेश सभाको बैठक आज पनि बस्ने भएको छ । मुख्यमन्त्री पृथ्वी सुब्बा गुरुङविरुद्ध पेस भएको अविश्वासको प्रस्तावमा आज केही सांसदले आफ्नो धारणा राख्ने र मुख्यमन्त्रीले जवाफ दिने कार्यसूची छ । त्यसपछि प्रस्तावमा मतदान हुने छ ।

तर सत्तारुढ एमालेका सांसदहरूले मंगलबार पिसिआर परीक्षण गरेर मात्रै बैठक सुरु गर्न माग राखेर अवरुद्ध गरेपछि हिजै सबैको स्वाब लिइएको छ ।

आज दिउँसोसम्ममा रिपोर्ट आउने बताइएको छ । यदि सांसदहरूलाई कोरोना भए पनि बैठक भने जारी रहने सहमति भएको छ । जसले गर्दा आजै मुख्यमन्त्री गुरुङको पद जाने कि जोगिने भन्ने टुंगो लाग्ने छ ।

स्रोतका अनुसार हिजो स्वाब दिने सांसदमध्ये चारजनामा कोरोना संक्रमण देखिएको छ । तर, त्यसको आधिकारिकता अझै पुष्टि हुन सकेको छैन ।

कुन पार्टीका सांसदलाई संक्रमण देखिएको हो भन्ने खुलेको छैन । यदि सांसदहरूलाई कोरोना संक्रमण भए पनि मतदान गर्न पाउने, बोल्न नपाउने सहमति भएकाले बैठक जारी नै रहने बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह