काठमाडौं – बलात्कारपछि निर्मम हत्या गरिएकी कञ्चनपुरकी बालिका निर्मला पन्तको अनुुसन्धान नयाँ मोडमा पुगेको छ ।

प्रहरीले प्राथमिकतामा साथ हेरिरहेको र बहुचर्चित निर्मला हत्याकाण्डको अनुसन्धानमा खटिएका प्रहरी अधिकृतहरूकै राय बाझिएपछि प्रहरी हेडक्वार्टर नै आन्तरिक छलफलमा जुटेको छ ।

निर्मला हत्याकाण्डमा फरक–फरक समयमा अनुसन्धानमा खटिएका प्रहरी अधिकृतको मत नै आपसमा बाझिएको प्रहरी स्रोतले जनाएको छ । मत बाझिएपछि प्रहरी प्रधान कार्यालयले हालसम्म अनुसन्धानमा खटिएका सबै अधिकृतहरूसँग छलफल गरिरहेको छ ।

निर्मलाको हत्या हुँदा कञ्चनपुरको प्रहरी प्रमुख रहेका, पदमुक्त भएर पुनर्बहाली भएका एसपी दिल्लीराज विष्टसँग हेडक्वार्टरमा छलफल भएको छ । त्यसपछि अनुसन्धानमा खटिएका अन्य प्रहरी अधिकृतलाई समेत हेडक्वार्टरमा बोलाएर लगातार छलफल भइरहेको प्रहरी उच्च स्रोतले जनाएको छ ।

प्रहरीको एक टोलीले घटनामा दिलिप विष्टकै संलग्नता रहेको दाबी गर्दै आए पनि अनुसन्धानमा खटिएका धेरैजसो प्रहरी अधिकारीले दिलिप नै बलात्कार र हत्यामा संलग्न भएको दाबी गर्ने आधार नभएको राय हेडक्वार्टरमा दिएका छन् । ठोस प्रमाण विना कसैलाई पनि अभियोग लगाउन नसकिने प्रहरी अधिकारीहरूको राय छ ।

लामो समयसम्म अल्झिएको निर्मला हत्याकाण्ड अनुसन्धाका लागि प्रहरी महानिरीक्षक (आईजीपी) शैलेश थापा क्षेत्रीको निर्देशनमा निरज शाही र विश्वराज पोखरेलले सबै अधिकारीहरूसँग आन्तरिक छलफल गरिरहेका छन् ।

निर्मला हत्याकाण्डको अनुसन्धानमा हालसम्म १६ भन्दा बढी प्रहरी अधिकृत कञ्चनपुरमा खटिएका छन् । निर्मलाको बलात्कारपछि हत्या भएको साढे २ वर्ष बितिसक्दा पनि प्रहरीले अभियुक्त पत्ता लगाउन नसक्दा जनस्तरमा आलोचना हुने गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

निर्मलाका लागि न्यायको माग : ओलीकाे फेसबुक प्रोफाइल पर्याे फन्दामा

निर्मला पन्तलाई ‘न्याय माग्दै’ नेपाल प्रेस युनियनको वेब साइट ह्याक

निर्मला हत्या प्रकरणमा निलम्बित प्रहरी सेवामा फर्काइँदै, यसरी भयाे सेटलमेन्ट

निर्मला हत्याकाण्डको पर्दाफास हुँदै, महानिरीक्षक थापाले दिए यस्तो जानकारी

निर्मला हत्याकाण्डमा मुछिएका यी एसपीलाई ओली सरकारको पुरस्कार !

निर्मला पन्तका हत्यारा खोज्न प्रधानमन्त्री देउवाको यस्तो ‘एक्सन’, गृहमन्त्रीलाई निर्देशन