काठमाडौं – स्वास्थ्य तथा जनसंख्यामन्त्री भानुभक्त ढकाल मुछिएको स्वास्थ्य सामग्री खरिद सम्बन्धी भ्रष्टाचारको फाइल अख्तियार दुरुपयोग अनुसन्धान आयोगको जिम्मा लगाइएको छ ।

प्रतिनिधि सभाको सार्वजनिक लेखा समितिले कोरोना महामारी नियन्त्रणका लागि गरिएको स्वास्थ्य सामग्री खरीद प्रक्रियामा अनियमितता भएको ठहर गर्दै छानबिनका लागि अख्तियार दुरुपयोग अनुसन्धान आयोगलाई आग्रह गर्ने निर्णय गरेको हो ।

समितिको शुक्रबार बसेको बैठकले मन्त्री ढकालसँग छलफल गरेपछि छानबिनका लागि आयोगलाई लेखी पठाउने निर्णय गरेको छ । 

समितिका सचिव डा. रोजनाथ पाण्डेले स्वास्थ्य सामग्री खरीद प्रक्रिया नियमसंगत नभएको पाइएको र खरीद प्रक्रियामा संलग्न पदाधिकारी दोषी देखिने अवस्था आएकाले कानूनी कारवाहीका लागि आयोगलाई लेखेर पठाउने निर्णय भएको बताए । स्वास्थ्य सामग्री खरीद प्रकरणमा बजेटको स्रोत यकिन नगरी र लागत अनुमान तयार नगरी सिधै प्रस्ताव माग गरेर खरीद प्रक्रिया अघि बढाई सम्झौता गरिएपछि बजेट उपलब्ध गराउन मन्त्रालयमा लेखेर पठाइएको प्रारम्भिक अध्ययनबाट देखिएको छ ।    
    
खरिदमा संलग्न विज्ञ स्वास्थ्य सल्लाहकारलाई खरिद प्रक्रियामा संलग्न गराउने आधार पेश गर्न नसकेको र खरिद ऐनमा व्यवस्था भएको मूल्यांकन समितिको कुनै भूमिका नदेखिएको पाइएको समितिले जनाएको छ । विभागीय प्रमुखले आफू खरिद प्रक्रियामा नेतृत्व गर्नुपर्नेमा अन्य असम्बन्धित व्यक्तिलाई संलग्न गराई अख्तियारको दुरुपयोग गरेको देखिएको समितिले जानकारी दिएको छ ।
    
बैठकमा स्वास्थ्यमन्त्री ढकालले स्वास्थ्य सामग्री खरिदमा अनियमितता भएको देखिए आफू कारबाही भोग्न तयार रहेको बताएका छन् । ‘स्वास्थ्य सामग्री खरिदमा मेरो संलग्नता पुष्टि भए कारवाही भोग्न तयार छु,’ उनले भने ।

विश्वभर कोरोना महामारीको प्रभाव हुँदा स्वास्थ्य सामग्री खरिदमा केही महंगो परेको प्रस्टोक्ति उनले दिएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्वास्थ्यमन्त्री ढकालविरुद्ध इनफ इज इनफका अभियन्ताहरुले हाले अख्तियारमा उजुरी

माहामारीका बेला स्वास्थ्यमन्त्री नै परे अख्तियारको फन्दामा

विदेशबाट आउनेको कोरोना परिक्षणबारे स्वास्थ्यमन्त्री ढकाले भने यस्तो

स्वास्थ्यमन्त्री ढकाल नैतिक संकटमा, कोरोना महामारिमा पूर्ण असफल !

माहामारीका बेला स्वास्थ्य मन्त्रीले निरोगी नेपाल भन्दै दिए यस्ताे जानकारी

दशैँ-तिहारमा फेरि लकडाउन हुन्छ कि हुदैन, स्वास्थ्यमन्त्रीले दिए यस्तो जानकारी