काठमाडाैं- सरोकारवाला निकायहरुको लापरवाही पनका कारण नेपालमा कोरोना भाइरसको संक्रमण निकै बढेको छ । सरकार आफैभित्र विवादमा रहेका बेला स्वास्थ्य मन्त्रालयले समेत उल्लेख्य कदम चाल्न नसकेपछि कोरोना भाइरसको माहामारी नेपालमा बढ्दै गएको हो ।

पछिल्ला दिनहरुमा दैनिक औशतमा १० जनाको मृत्यु भइरकेको छ, भने एक हजारको हाराहारीमा नयाँ संक्रमित भेटिइरहेका छन् । गम्भिर अवस्थाका बिरामीको संख्या बढ्दै गएको छ ।

अहिलेसम्म ३४ हजार संक्रमित पुगिसकेका छन् । बुधबार मात्रै ११ जनाको कोरोनाबाट मृत्यु भयो । बिहीबार बिहान ११ बजेसम्म आठजनाको मृत्यु भइसकेको छ । 

पाटन अस्पतालमा एक, किस्ट अस्पतालमा एक, पर्साको नारायणी अस्पतालमा तीन, रुपन्देहीको बुटवलमा एक र पोखरा स्वास्थ्य विज्ञान प्रतिष्ठानमा एक गरी आठजनाको ज्यान गइसकेको छ ।

दक्षिण एसियामा नेपालमा निको हुने दर कम छ भने वृद्धवृद्धाको मृत्युदर विश्वमै बढी रहेको छ । यसबाट नेपाल कोरोना भाइरसको नियन्त्रणमा असफल भएको देखिएको छ । 

मूख्यरुपमा त वर्तमान स्वास्थ्यमन्त्री भानुभक्त ढकालको नेतृत्व पूरै असफल देखिएको छ । कोरोना नेपालमा आउँदैन, आए पनि नेपालीलाई कोरोनाले छुँदैन, नेपालीको प्रतिरोधी क्षमता बढी छ, बेसार पानी खाऔं भनेरै अहिलेको स्वास्थ्य मन्त्रालय नेतृत्व मस्त रह्यो । 

उसो त सुरुदेखि नै माहामारीका रुपमा फैलिएको कोरोना रोकथाम र नियन्त्रणका लागि स्वास्थ्य सामग्री खरिदमै भ्रष्टाचार भएपछि मन्त्री ढकालको स्तर देखिएको थियो । झन कोरोना समुदायस्तरमा कोरोना फैलिएपछि मन्त्री ढकालको कार्यशैलीमाथि नै प्रश्न उठेको छ ।

विशेष गरी दीर्घरोगी तथा वृद्धवृद्धाहरुको मृत्युदर अन्य मुलुकको तुलनामा नेपालमा बढी देखिएको छ । नेपालमा बुधबार दिउँसोसम्म लगभग साढे ३४ हजारमा संक्रमण पुष्टि हुँदा १ सय ७५ जनाको ज्यान गइसकेको छ । मंगलबारसम्मको तथ्यांक केलाउँदा १ सय ६४ मृतकमध्ये ७२ जना ६० वर्ष उमेर कटेकाहरु छन् ।

कुल मृतकको ४३ प्रतिशतभन्दा बढी हो । जबकि, संक्रमणदर अन्य उमेर समूहको तुलनामा वृद्धवृद्धामा कम छ । ३४ हजार बिरामीमध्ये ६० वर्ष कटेका जम्मा १२ सय ४४ छन् । यसमा पनि ६० देखि ७० वर्षका ८ सय ९ जना, ७० देखि ८० उमेरका ३ सय ४७  र ८० वर्ष कटेका ८८ जना छन् । बिरामीको तुलनामा ६० वर्षमाथिकाको मृत्युदर झण्डै ६ प्रतिशत छ । जबकि, कुल संक्रमितको तुलनामा मृत्युदर १ प्रतिशतभन्दा कम छ ।

यसरी तथ्यगत रुपमा डाटाहरु केलाउने हो भने नेपालमा कोरोना भाइरसबाट मृत्यु हुनेको संख्या निकै नै बढ्ने संकेत देखिएको छ । उसो त पहिलेदेखि नै स्वास्थ्य समस्या भोग्दै आएका नेपालीहरुका लागि कोरोना भाइरसको संक्रमणपछि अत्यावश्यक भ्यान्टिलेटर र आईसीयुको संख्या निकै नै कम छ । यसले अब स्वास्थ्यमन्त्रीको कार्यशैली र क्षमतामाथि नै शंका उत्पन भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्वास्थ्यमन्त्री ढकालविरुद्ध इनफ इज इनफका अभियन्ताहरुले हाले अख्तियारमा उजुरी

माहामारीका बेला स्वास्थ्यमन्त्री नै परे अख्तियारको फन्दामा

विदेशबाट आउनेको कोरोना परिक्षणबारे स्वास्थ्यमन्त्री ढकाले भने यस्तो

माहामारीका बेला स्वास्थ्य मन्त्रीले निरोगी नेपाल भन्दै दिए यस्ताे जानकारी

दशैँ-तिहारमा फेरि लकडाउन हुन्छ कि हुदैन, स्वास्थ्यमन्त्रीले दिए यस्तो जानकारी

अधिकारीले स्वास्थ्य मन्त्रालय ताकेपछि मन्त्री ढकालको बोलचाल बन्द