काठमाडौं– अख्तियार दुरुपयोग अनुसन्धान आयोगको प्रमुख आयुक्त डा. गणेशराज जोशीको भाग्य खुल्ने भएको छ । आयोगमै हाल आयुक्त रहेका जोशीलाई प्रमुख आयुक्त बनाउन सत्तारुढ नेकपाभित्र लगभग सहमति जुटेको छ ।

आयोगका प्रमुख आयुक्त नवीन घिमिरेले २९ भदौबाट अवकाश पाउन लागेकाले नयाँ प्रमुख आयुक्त नियुक्तिको तयारी भइरहेको छ । गत साता प्रमुख प्रतिपक्षी दल नेपाली कांग्रेसका सभापति शेरबहादुर देउवासँग पनि प्रधानमन्त्री केपी शर्मा ओली र नेकपाका अर्का अध्यक्ष पुष्पकमल दाहाल ‘प्रचण्ड’ले छलफल गरेका थिए । केही नाम टुंग्याएर छिट्टै नियुक्तिको तयारी भइरहेको स्रोत बताउँछ ।

पूर्व सचिव जोशी यसअघि तत्कालिन माओवादीको कोटामा आयोगमा नियुक्त भएका हुन् । प्रशासन सेवामा हुँदा कुनै दाग नलागेका उनी स्वच्छ छविका व्यक्ति हुन् । उनीले प्रमुख आयुक्तको जिम्मेवारी पाएमा उनले चैतसम्म कार्यभार सम्हाल्नेछन् । त्यसपछि कसलाई प्रमुख आयुक्त बनाउने भन्ने विषय अहिले नै टुंगाउन लागिएको छ । अहिले जो सिनियर आयुक्तमा नियुक्त हुन्छ, त्यही व्यक्ति त्यसपछि प्रमुख आयुक्तमा नियुक्त हुने सम्भावना छ ।

त्यसका प्रमुख दाबेदार पूर्व गृहसचिव प्रेम कुमार राई हुन् । तर, राईलाई रोक्न नेकपाकै एक समूह सक्रियताका साथ लागेको छ । नेकपाकै कोटाबाट आयुक्त हुने व्यक्ति प्रमुख आयुक्त हुनेछ । केही पूर्व प्रहरी समेत नियुक्तिका लागि दौडधुपमा छन् । प्रमुख आयुक्तले समेत अवकाश पाउने भएपछि आयोगमा अब तीन पद रिक्त हुनेछन् । एक पद प्रमुख प्रतिपक्षीको कोटामा र दुई पद सत्तारुढ दलबाटै नियुक्त हुनेछ ।

नेपाली कांग्रेसबाट हुने नियुक्तिको कोटामा भने पूर्व एआइजी जयबहादुर चन्द, पूर्व सहसचिव गणेश कार्की तथा पूर्व गुप्तचर प्रमुख दिलीप रेग्मीलगायत छन् ।

पछिल्लो समय नेकपामा सरकारी नियुक्तिमा पार्टीभित्र छलफल गरेर मात्र निर्णय गर्ने सहमति भएको छ । जसअनुसार प्रधानमन्त्री केपी शर्मा ओलीले आफुले चाहेकै व्यक्तिलाई अब अख्तियार लगायत निकायमा नियुक्त गर्न नसक्ने अवस्था छ । यस्ता नियुक्तिहरु सचिवालय बैठकबाट निर्णय गराउन लागिएको छ । दृष्टि साप्ताहिकबाट

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सचिवदेखि मन्त्रीलाई अख्तियार प्रमुखले दिए यस्ताे चेतावनी !

एक झोला पैसा लिएर काठमाडौँ आएका ईञ्जिनियर अख्तियारको फन्दामा

जाँदाजाँदै अख्तियार प्रमुखको व्यापक आलोचना, यस्तो छ कारण 

नविन घिमेरे विदाभएपछि अख्तियार प्रमुखको कार्यकार गणेश जोशीले सम्हाले, को हुन् उनी?

केपी ओलीको बचाउ गर्दै अख्तियारले भन्यो : ट्रान्सपरेन्सीको प्रतिवेदन सही छैन, सरकारमा भ्रष्टार बढेको छैन !

सशस्त्रका सहायक हवल्दार घुससहित अख्तियारको फन्दामा