कञ्चनपुर- शुक्लाफाँटा नगरपालिका–८ का वडाध्यक्ष बहादुरसिंह महरामाथि कार्यकक्षमै कुटपिट गर्ने समूहका ६ जनालाई आज प्रहरीले पक्राउ गरेको छ।

जिल्ला प्रहरी कार्यालयका प्रहरी नायब उपरीक्षक अमरबहादुर थापाका अनुसार पक्राउ पर्नेमा नारद ठगुन्ना, विनोद ठगुन्ना, वसन्त ठगुन्ना, मानसिंह ठगुन्ना, नवीन ठगुन्ना र आनन्द ठगुन्ना रहेका छन्। वडाध्यक्षको किटानी जाहेरीका आधारमा ६ जनालाई सोधपुछका लागि पक्राउ गरिएको उनको भनाइ छ।

वडा कार्यालयमा सामाजिक सुरक्षा भत्ता वितरण र राष्ट्रिय परिचय पत्रका लागि विवरण संकलनको कार्य भइरहेका बेला नेपाली कांग्रेस सम्बद्ध तरुण दलका वडा सभापतिको नेतृत्वमा गएको समूहले वडाध्यक्षमाथि कुटपिट गर्नाका साथै कार्यकक्षमा तोडफोडसमेत गरेको थियो।

पक्राउ परेकाहरुको रिहाइको माग गर्दै नेपाली कांग्रेसका कार्यकर्ताले इलाका प्रहरी कार्यालय झलारी घेराउ गर्नाका साथै झलारी बजारमा टायर बालेका छन्। वडाध्यक्ष महरालाई उपचारका लागि बाँकेको कोहलपुरस्थित मेडिकलतर्फ लगिएको छ।

नेकपा शुक्लाफाँटा नगरकमिटी र शुक्लाफाँटा नगर कार्यपालिकाले छुट्टाछुट्टै रुपमा विज्ञप्ति जारी गरी दोषीमाथि अविलम्ब कारवाही गर्न माग गरेका छन्। रासस

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

महामारीको बेला अहोरात्र खटिने ट्राफिक प्रहरी जवानमाथि निर्घात कुटपिट

प्रहरी कुट्नेलाई तोकियो यस्तो मुद्धा, राखियो हिरासतमा

पुल्चोकको झडपमा १८ काेराेना संक्रमित रहेकाे पुष्टि, काे हुन् र अब के हुन्छ ?

आजराति १० बजेबाट कर्फ्यु हट्ने, रथ भएको क्षेत्र २६ गतेसम्म निषेध

ललितपुरका मेयरको टाउको काट्छु भन्ने शाक्य पक्राउ

मच्छिन्द्रनाथको जात्रामा पक्राउ परेकामध्ये २ जनामा कोरोना संक्रमण