काठमाडौं - रक्षक नै भक्षक भएपछि अब कसलाई विश्वास गर्ने भन्ने चिन्तामा मुगुवासी परेका छन् ।

मुगुकी एक १४ वर्षीया बालिकामाथि सामूहिक बलात्कार घटनामा नगर प्रहरी र सरकारी कर्मचारीसमेत संलग्न रहेको खुलेपछि सर्वत्र चिन्ता उत्पन्न भएको हो । बलात्कारमा संलग्न भएको अभियोगमा प्रहरीले पाँचजनालाई पक्राउ गरेको छ ।

अन्य चारजना फरार छन् । छायाँनाथ रारा नगरपालिका–१४ घर भई हाल गमगढी बजारमा बस्दै आएकी बालिकामाथि नगर प्रहरीका एक जवानसहित नौजनाले सामूहिक बलात्कार गरेको प्रहरीले जनाएको छ ।

बलात्कार अभियोगमा प्रहरीले छायाँनाथ रारा नगरपालिका–५, कार्कीवाडाका ३० वर्षीय नगर प्रहरी वसन्तबहादुर कार्की, कृषि विकास कार्यालय गमगढीमा कार्यरत कार्यालय सहयोगी २२ वर्षीय वसन्त रोकाया र १८ वर्षमुनिका तीनजनालाई पक्राउ गरेको छ ।

बलात्कारमा संलग्नताको आरोप लागेका कृषि विकास कार्यालयका सवारी चालक पदमबहादुर कठायत र अन्य तीनजना १८ वर्षमुनिका किशोर फरार रहेको मुगुका प्रहरी प्रमुख डिएसपी वीरेन्द्रबहादुर थापाले जानकारी दिए ।

बालिकाको पेटमा गर्भ बसेको तथ्य खुलेपछि मात्रै उनी बलात्कारमा परेको घरपरिवारले थाहा पाएको थियो । पेट दुख्ने समस्या भएपछि स्थानीय स्वास्थ्य संस्थामा पुगेकी उनको १८ हप्ताको गर्भ रहेको खुलेपछि घटना बाहिरिएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कता जादैछ समाज ? बहिनी बलात्कार गरेको आरोपमा दाजु पक्राउ

सुत्केरी ब्यथा लागेपछि युवती बलात्कृत भएको खुलासा, एक युवक पक्राउ

बालिका बलात्कारको आरोपमा जसपाका वडा अध्यक्ष जेल चलान

बेलबारीमा घट्यो अनौठो घटनाः १६ बर्षिया किशोरी माथि चार जनाले गरे सामुहिक बलात्कार 

बेलबारीमा घट्यो अनौठो घटनाः १६ बर्षिया किशोरी माथि चार जनाले गरे सामुहिक बलात्कार 

जब बाँकेमा पुजारीले मन्दिरको कुटीमै बोलाएर दुई युवतीलाई बलात्कार गरे..