काठमाडौं - कोशी प्रदेशका सभामुख अम्बरबहादुर विष्ट धर्मसंकटमा परेका छन् । मंगलबार निर्विरोध निर्वाचित भएर प्रदेश प्रमुख परशुराम खापुङसमक्ष पद तथा गोपनीयताको शपथ लिएका विष्टलाई पार्टीले पद त्याग गर्न आग्रह गरेकाले धर्मसंकटमा परेका हुन् ।

पार्टी केन्द्रसँग कुनै समन्वय नै नगरी विष्टले सभामुखमा उम्मेदवारी दिएको नेताहरूको भनाइ छ । रवीन्द्र मिश्र, प्रकाशचन्द्र लोहनी, धवलशमशेर राणालगायत विष्टको निर्णयप्रति असन्तुष्ट छन् ।

तर राप्रपा अध्यक्ष राजेन्द्र लिङ्देन भने मौन देखिएका छन् । विष्ट अध्यक्ष लिङ्देनकै गृहजिल्ला झापाका हुन् । प्रदेश खारेज गर्नुपर्छ, यो संविधान खारेज गर्नुपर्छ भन्ने मूल माग राखेर आन्दोलनमा जाने घोषणा गरेको राप्रपाले सभामुख लिएपछि संकट परेको हो ।

विष्ट सभामुखको उम्मेदवार बनेपछि डा. प्रकाशचन्द्र लोहनी अध्यक्ष रहेको केन्द्रीय निर्देशन समितिले उम्मेदवारी फिर्ता लिन निर्देशन दिएको थियो । तर, उम्मेदवारी फिर्ता गरेनन् ।

अन्ततः उनी वर्तमान कोशी संसदको दोस्रो सभामुख भए । स्रोतका अनुसार अध्यक्ष लिङ्देनकै ‘ग्रीन सिग्नल’ पाएपछि विष्टले सभामुखमा उम्मेदवारी दिएका हुन् । मंगलबार बसेको केन्द्रीय कार्यसम्पादन समिति बैठकमा अध्यक्ष लिङ्देन थिएनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

राप्रपामा लिङ्देन र राणा समूह वार कि पार’ को स्थितिमा