काठमाडौं - आगामी पुस २० र २१ गते अटोमोबाइल्स एसोसिएसन अफ नेपाल (नाडा) को चुनाव हुँदैछ ।

नाडामा हाल तीन हजार तीन सय सदस्य छन् । चुनावले अध्यक्षसहित १७ जना पदाधिकारी रहनेछन् । तीनजना नयाँ कार्यसमितिले मनोनयन गर्नेछ ।

कार्यसमितिमा आउनका लागि देशका चर्चित घरानियाका व्यवसायी तँछाड मछाड गर्छन् । यसपटक पनि व्यवसायीहरु दुई कित्तामा उभिएर चुनावी मैदानमा छन् ।

अध्यक्षमा करण चौधरी र आकाश गोल्छा मैदानमा छन् । अध्यक्षमा उम्मेदवार घोषणा गरेका गोल्छा र चौधरी दुवैले प्यानल तयार पारेका छैनन् ।

तर मोटामोटी रूपमा को को रहने भन्ने खाका तयार पारिसकेका छन् । चौधरी ग्रुप र गोल्छा ग्रुपमध्ये एउटाको हातमा नेतृत्व जाने भएकाले पनि जसरी पहिले चुनावमा बढी रौनक हुन्थ्यो, त्यो अहिले देखिएको छैन ।

दुवैले अध्यक्षमा एकले अर्कालाई छाडिदिए हुन्थ्यो भन्ने मनसाय राखेको देखिन्छ । व्यवसायीहरूका अनुसार गोल्छा र चौधरीले २० सदस्यीय कार्यसमितिमा १०–१० जनाको सूची तयार पारिसकेका छन् ।

जो अध्यक्ष भए पनि बराबरी सदस्य हुने गरी सहमति खोजिएको छ । सिप्रदी ट्रेडिङका राजनबाबु श्रेष्ठ र नाडाका महासचिव सुरेन्द्रकुमार उप्रेतीले करण चौधरीलाई अध्यक्षमा समर्थन गरेका छन् ।

करणको पक्षमा चौधरी ग्रुप, आईएमई ग्रुप, सिप्रदी, एमएडब्लु, एससिटी ग्रुपलगायतको समर्थन छ । नाडाका सचिव विक्रम सिंघानिया, कोषाध्यक्ष मिलनबाबु मल्ल र सहकोषाध्यक्ष पंकज अग्रवाल करण चौधरीको समूहमा छन् ।

महासचिवमा मिलनबाबु आउनेछन् । सचिवमा अहिलेकै विक्रम सिंघानिया हुनेछन् । यसैगरी कोषाध्यक्ष पंकज अग्रवाल हुन सक्ने सम्भावना छ ।

आकाश गोल्छातर्फ निराकार र स्पेयर पार्ट्सबाट सुनिल रिजाल उपाध्यक्षमा उठ्दैछन् । साइमेक्स इन्ककी प्रबन्ध निर्देशक यमुना श्रेष्ठ, सञ्जय खेतान, प्रकाश सिग्देल, सगुन ताम्राकार, प्रदीपमान शाक्य, रिद्धि कार्की सदस्यमा रहनेछन् ।

यो टिमलाई कृष्णप्रसाद दुलाल, गोल्छा ग्रुप, जगदम्बा मोटर्स, नाडाका अध्यक्ष ध्रुव थापा, विशाल ग्रुपको साथ छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

जनआस्था विरूद्ध चौधरी ग्रुपद्वारा प्रेस काउन्सिलमा उजुरी

सुन्दरी महिला छान्दै चौधरी ग्रुप, अब ‘वाई वाई मिसेस नेपाल वर्ल्ड’ हुने

माइडिया ब्राण्डको जाडोको घरायसी सामानहरु बजारमा

चौधरी ग्रुपका उत्पादनमा सरकारी करको भार बढी

चौधरी ग्रुपले बेलायती कम्पनी नोथिङ ब्रान्डका सामान ल्याउने

चौधरी ग्रुपले भूकम्पबाट प्रभावित ५० परिवारका लागि ‘ट्रान्जिसनल होम’ बनाइदिने