काठमाडौं - लामो समयपछि चीनका राष्ट्रपति सी जिन पिङले अमेरिकाको भ्रमण गरेका छन् ।

दुई देशबीच तनाव उत्पन्न भइरहेका बेला सीको अप्रत्यासित अमेरिका भ्रमणलाई अर्थपूर्ण मानिएको छ । तर बेइजिङ आइपुग्दा नपुग्दै सीलाई अमेरिकी राष्ट्रपति जो बाइडेनले तानाशाहकै स्थानमा राखेका छन् ।

क्यालिफोर्नियामा एसिया–प्रशान्त आर्थिक सहयोग (एपेक) को शिखर सम्मेलनमा चिनियाँ समकक्षी सीसँगको भेटपछि आयोजित पत्रकार सम्मेलनमा बाइडेनले सीलाई पुनः तानाशाहको संज्ञा दिएका हुन् ।

यसअघि गत जुनमा दुई देशबीच उच्च तहको कुराकानी भएको भोलिपल्टै बाइडेनले सीलाई तानाशाह भनेका थिए ।

यसपटक चिनियाँ राष्ट्रपति सीसँग निकै प्रभावकारी संवाद भएको बताइरहेका बेला बाइडेनको भनाइ बाहिर आएको हो । अहिलेसम्म यसबारेमा बेइजिङले केही प्रतिक्रिया जनाएको छैन ।

चिनियाँ सञ्चारमाध्यमले पनि विश्वका दुई प्रभावशाली नेताबीच सौहार्दपूर्ण र प्रभावकारी संवाद भएको जनाएका छन् । पत्रकार सम्मेलनमा सीएनएनकी पत्रकार एमजे लीले सोधेको ‘के तपाईं अझै पनि चिनियाँ राष्ट्रपति सीलाई तानाशाह भन्नुहुन्छ ?’ भन्ने प्रश्नमा बाइडेनले भनेका छन्, ‘हेर्नुस्, उनी हुन् । मैले यस अर्थमा उनलाई तानाशाह भनेको हुँ कि, उनी यस्तो देशको सत्ता चलाउँछन् कि जुन कम्युनिस्ट देश हो । जहाँको सरकारको स्वरूप हाम्रोभन्दा पूर्ण रूपले फरक छ ।’

बाइडेनले आफूलाई चिनियाँ राष्ट्रपति सीलाई सबैभन्दा बढी संगत गरेको अमेरिकी नेताका रूपमा समेत उभ्याएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अमेरिकामा डेमोक्रेटिक पार्टीका जो बाइडेन राष्ट्रपति बन्ने निश्चित

राष्ट्रपति निर्वाचित भएपछि बाइडेनको मन छुने सन्देश, तोड्ने होइन, जोड्ने काम गर्छु

चीनविरुद्ध बाइडेनको सुरुवाती प्रहार

अमेरिकी चुनावको नतिजा अर्को हप्ता आउँने, फेरि ट्रम्पको जित्ने घोषणा

सुरूवाती चरणमै कोरियाली राष्टपतिसँग बाइडेनको हिमचिम

अमोरिकामा अर्काे इतिहास रच्दै बाइडेन