काठमाडौं - कोशी प्रदेशमा सत्तागठबन्धनबीच पहिलो चरणमा बन्ने मन्त्री र मन्त्रालयको भागबन्डाबारे सहमति भएको छ ।

सहमतिसँगै आजै बेलुका ५ बजे मुख्यमन्त्री उद्धव थापासँगै नवनियुक्त मन्त्रीहरूको शपथ तय भएको छ । माओवादीलाई आर्थिक मामिला तथा योजना मन्त्रालय र एकीकृत समाजवादीलाई भौतिक पूर्वाधार मन्त्रालय दिने सहमति भएको छ ।

गठबन्धनको बहुमत पुर्‍याउन सभामुखबाट राजीनामा दिएका बाबुराम गौतम आर्थिक मामिला तथा योजनामन्त्री हुने भएका छन् । गौतमको नेतृत्वमा सरकारमा जाने माओवादीमा सहमति भएको छ ।

एकीकृत समाजवादीका कमल प्रसाद जवेगु भौतिक पूर्वाधारमन्त्री हुने छन् । नेपाली कांग्रेसका प्रदीप सुनुवारलाई भने सामाजिक विकास मन्त्रालयको जिम्मा दिने तयारी भएको छ ।

यसअघि अर्थमन्त्री बनेका प्रधानमन्त्री पुष्पकमल दाहाल प्रचण्डका ज्वाइँ जीवन आचार्य साइड लागेका छन् । अब दोस्रो चरणको मन्त्रिपरिषद् विस्तार हुँदा पनि उनले चान्स पाउने सम्भावना निकै कम रहेको बताइन्छ ।

प्रचण्डका ज्वाइँ आचार्यले मन्त्रीमा दावी नछोडेपछि बुधबार बिहान हुने भनिएको मुख्यमन्त्रीको शपथ रोकिएको थियो । आचार्य हिक्मत कार्की नेतृत्वको सरकार हुँदै यसअघि थापाको कार्यकालमा पनि मन्त्री बन्न सफल भएका थिए ।

माओवादीमा मन्त्रीका आकांक्षीहरुको संख्या आधा दर्जनभन्दा बढी छ । तर,अरु आकांक्षीको व्यवस्थापन गर्न धेरै अप्ठेरो नभए पनि प्रधानमन्त्रीका ज्वाइँको विषयले माओवादी नेतृत्व सकसमा परेको बताइन्छ । उनलाई एक सातापछि अर्कै मन्त्रालय दिने तयारी भइरहेको बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस प्रदेश १ को सभापति र महामन्त्रीमा यस्ता छन् उम्मेदवार, कसले मार्ला बाजी ?

कांग्रेसका नेता उद्धव थापालाई मुख्यमन्त्री बनाउने गरी प्रस्ताव पेस गर्न गठबन्धनको निर्देशन

एक थान मुख्यमन्त्री पाउन कांग्रेसबाट संसदीय व्यवस्थाकै हुर्मत

कोशीमा कामचलाउ मुख्यमन्त्री को भन्ने विषयले लफडा निम्तिँदै

कांग्रेस नेता उद्धव थापा कोशीको मुख्यमन्त्री बन्ने, प्रदेश प्रमुखसमक्ष बुझाए निवेदन

कोशी प्रदेशका नवनियुक्त मुख्यमन्त्री थापाले आज शपथ लिने