जरिवाना गर्ने निर्वाचन आयोगको निर्णयप्रति कांग्रेस सांसद विनोद चौधरीको आपत्ति
जरिवाना गर्ने निर्वाचन आयोगको निर्णयप्रति कांग्रेस सांसद विनोद चौधरीको आपत्ति
काठमाडौं - नेपाली कांग्रेसका सांसद विनोद चौधरीले निर्वाचन आयोगको निर्णयप्रति आफ्नो ध्यानाकर्षण भएको जनाएका छन् ।
गत पुसमै आयोगलाई निर्वाचन खर्च विवरण बुझाइसके पनि निर्वाचन आयोगले खर्च विवरण सार्वजनिक नगर्ने सांसदको सूचीमा आफ्नो नाम राखेकोमा उनले ध्यानाकर्षण भएको जनाएका हुन् ।
आयोगले मंगलबार निर्वाचन खर्च विवरण सार्वजनिक नगर्ने बहालवाला मन्त्रीदेखि पदाधिकारी तहका नेता तथा सांसदहरूलाई १५ हजार जरिवाना गर्ने निर्णय गरेको थियो ।
जसमा नेता चौधरीको नाम पनि समावेश थियो । विवरणअनुसार प्रतिनिधिसभा र प्रदेश सभा निर्वाचनका कुल उम्मेदवारमध्ये करिब आधा उम्मेदवारले नै खर्च विवरण सार्वजनिक नगरेको देखिन्छ ।
प्रतिनिधिसभातर्फ दुई हजार चार सय ११ मध्ये एक हजार ३७ उम्मेदवार र प्रदेश सभातर्फ तीन हजार दुई सय २५ मध्ये एक हजार नौ सय ९८ उम्मेदवारले खर्च विवरण सार्वजनिक गरेको जानकारी नदिएको निर्वाचन आयोगले जनाएको थियो ।
‘निर्वाचन आयोगले खर्च विवरण सार्वजनिक नगर्ने सांसदको सूचीमा मेरो पनि नाम उल्लेख गरेकोप्रति गम्भीर ध्यानाकर्षण भएको छ । मैले निर्वाचन सम्पन्न भएलगत्तै मिति २०७९ पुस ४ गते निर्वाचन आयोगमा खर्च विवरण बुझाएको हुँ, जसको दर्ता नम्बर १०९९ रहेको छ । तसर्थ, उक्त सूचीबाट मेरो नाम हटाई यसबारेमा आमसञ्चारमाध्यमलाई सही सूचना उपलब्ध गराइदिनुहुन र यसअघि प्रकाशित समाचारले भ्रम सिर्जना भएको हुँदा उक्त समाचार सच्याइदिनुहुन पनि म आग्रह गर्दछु,’ चौधरीले बुधबार जारी गरेको प्रेस नोटमा भनिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४