काठमाडौैं - बलिउडमा काम गर्दागर्दै अभिनेत्री मनिषा कोइराला नेपाल आएकी छन् । नेपाल आएलगत्तै उनले राप्रपाको चुनावी सभामा सम्बोधन गरिन् ।

सम्बोधनका क्रममा उनले कांग्रेसले बीपी कोइरालालाई बिर्सेको, बरु राप्रपाले सम्झेको भन्दै राजेन्द्र लिङ्देनको आरति नै उतारिन् । मनिषाको यो हदसम्मको वैचारिक स्खलनबारे अहिले संसारभर चासो उत्पन्न भएको छ ।

मनिषा बीपी कोइरालाकी नातिनी हुन् । उनका बाबु प्रकाश कोइराला कांग्रेसको राजनीति छाडेर गुमनाम झैं बसेका छन् । जब ज्ञानेन्द्र शाहको ‘कू’ लाई स्वागत गर्दै प्रकाश मन्त्री खान गए, त्यहीबेलादेखि उनको कांग्रेसमा राजनीति समाप्त भएको हो ।

अहिले उनी राजावादी बनेका छन् । बाबु जुन बाटोमा हिँड्यो त्यसको प्रभाव छोराछोरीमा पर्नु सामान्य कुरा हो । मनिषा बीपीभन्दा बढी बाबु प्रकाशसँग घुलमिल भएकी छन् । सँगै बसेकी छन् । त्यसैले बाबुले जे भन्यो मनिषाले गर्ने त्यही हो ।

तर बीपीको नातिनी भएकै कारण आफूले बीपीलाई राजनीतिक रुपमा बुझेको छु भन्ने भ्रम हो भने मनिषा आफैं राजनीतिमा आए हुन्छ । बीपीको प्रजातान्त्रिक समाजवादको अवधारणालाई राजेन्द्र लिङ्देनले बोक्छन् भन्नू बीपीको घोर अपमान हो ।

बीपी कोइराला कांग्रेसका संस्थापक र वैचारिक नेता हुन् । बीपीकै आदर्श प्रजातान्त्रिक समाजवाद कांग्रेसको सिद्धान्त हो । त्यही भएर मनिषाले बीपीको थप बदनाम नगर्न कांग्रेस नेता कार्यकर्ताले चेतावनी दिएका छन् ।

कसैलाई पनि आफ्नो विचार राख्ने, पक्षधरता लिने स्वतन्त्रता हुन्छ । त्यसकै लागि कांग्रेसले राणा शासनविरुद्ध क्रान्ति गरेर देशमा प्रजातन्त्र ल्याएको हो । तर, बीपीको नातिनी हुँ भन्दैमा बीपीको बदनाम गर्ने छुट मनिषालाई छैन ।

धेरैले मनिषाले कोइराला परिवारको विरासत बोक्ने अपेक्षा गरेका थिए । पढेलेखेको र दुनियाँ बुझेकाले उनले नेपाली कांग्रेसबाट राजनीति गर्लिन् भन्ने सबैले अनुमान पनि गरेका हुन् ।

तर, अहिले आएर उनी राजावादी राजेन्द्र लिङ्देनको प्रचारक बनेपछि मनिषाले कोइराला परिवारको विरासत बोक्न सक्दिनन् भन्ने प्रष्ट भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

हिमानी शाह र मनिषा कोइरालाबीच बढ्दो हिमचिम

मनिषाा कोइरालाले हङकङमा महिला दिवस मनाउने