काठमाडौं - प्रतिनिधिसभाको पाँच वर्षे कार्यकाल शनिबार मध्यरातिदेखि सकिएको छ । आजदेखि दुई सय ७५ प्रतिनिधिसभाका र तीन सय ३० प्रदेश सभा सदस्य निवर्तमान भएका छन् ।

प्रतिनिधिसभाको कार्यकाल सकिएलगत्तै निलम्बित प्रधानन्यायाधीश चोलेन्द्रशमशेर जबरा सर्वोच्च अदालत फर्कने तयारीमा लागेका छन् । आइतबार बिहान उनले सर्वोच्च अदालत प्रशासनलाई फोन गर्दै आजदेखि नियमित काममा फर्कने संकेत गरेका हुन् ।

जबकि जबराविरुद्धको महाअभियोग प्रतिनिधिसभाले नयाँ संसदलाई छाडेको छ । तर, जबरा भने आफूमाथि लागेको महाअभियोग प्रमाणित नभएको र संसदको कार्यकाल सकिएको भन्दै सर्वोच्च फर्कन लागेका हुन् ।

उनी अहिले पनि प्रधानन्यायाधीशको सरकारी निवासमै बसेका छन् । राज्यको पाँचौ वरीयतामा रहेका जबराले सरकारसँग कुनै छलफल नै नगरी किन सर्वोच्च फर्कन खोजेका हुन् भन्ने पुष्टि भएको छैन ।

शनिबार राति महाअभियोग सिफारिस समितिमा जबराविरुद्धको महाअभियोग पास गर्ने कि नगर्ने भन्ने विषयमा भोटिङ हुँदा पक्षमा ६ र विपक्षमा पाँच मत परेको थियो । बहुमतले जबराविरुद्धको महाअभियोग अर्को संसदलाई पठाउने गरी प्रतिवेदन सभामुख अग्निप्रसाद सापकोटालाई बुझाएको थियो ।

त्यसलगत्तै सत्तारुढ गठबन्धनले जबरालाई सर्वोच्चमा नफर्कने गरी महाअभियोग अर्को संसदमा पठाउने निर्णय गरेको थियो । जबरा सर्वोच्च फर्कने तयारीमा रहेको खबर फैलिएसँगै झडपको अवस्था सिर्जना हुने संकेत देखिएको छ । सर्वोच्चका न्यायाधीश, सर्वोच्च बारले अवरोध गर्ने भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद विघटनको मुद्दामा सुनुवाइ सुरु

संवैधानिक इजलास गठन, प्रधानन्यायाधीशले राखे चार वरिष्ठ न्यायाधीश

प्रधानन्यायाधीश जबरा पछि नहट्ने मुडमा, विवादमा तानिएका दुई न्यायाधीश इजलासमै

चोलेन्द्र नामको कलंकको टीका लगाएर एमाले चुनावमा होमिँदै