काठमाडौं - विपक्षी कानुन व्यवसायीको चर्को दबाबपछि पनि प्रधानन्यायाधीश चोलेन्द्रशमशेर जबरा पछि नहट्ने मनस्थितिमा देखिएका छन् । उनले मंगलबार पनि पुरानै संवैधानिक इजलासलाई निरन्तरता दिएका छन् ।

न्यायाधीशद्वय बमबहादुर श्रेष्ठ र तेजबहादुर केसीलाई संवैधानिक इजलासमा बस्ने नैतिकता नभएको भन्दै प्रतिनिधिसभा विघटन बदर गरिपाउँ भन्दै परेको रिट निवेदनमा बहस गर्ने वरिष्ठ अधिवक्ताहरूले प्रधानन्यायाधीशलाई दबाब दिएका थिए ।

दुई दिनसम्मको रस्साकस्सीबीच पनि प्रधानन्यायाधीश जबरा पछि हट्न मानेनन् । आजदेखि मुद्दाको मूल विषयमा प्रवेश गर्ने प्रधानन्यायाधीश जबराको तयारी छ । तर, रिट निवेदकका तर्फबाट बहस गर्ने अधिवक्ताहरूको धारणा सार्वजनिक भइसकेको छैन ।

सर्वोच्च बार एसोसिएसनको पदाधिकारी टोलीले प्रधानन्यायाधीश जबरालाई भेटी संवैधानिक इजलास पुनर्गठन गर्न माग गरेको छ । सर्वोच्च बारका अध्यक्ष एवं परिष्ठ अधिवक्ता पूर्णमान शाक्यसहितको टोलीले मंगलबार प्रधानन्यायाधीशलाई भेटी सो आग्रह गरेको हो ।

तर, प्रधानन्यायाधीशले कुनै ठोस जवाफ दिएका छैनन् । वरिष्ठ अधिवक्ताहरूले संवैधानिक इजलासनमा न्यायाधीश श्रेष्ठ र केसीलाई हटाएर वरिष्ठ न्यायाधीशलाई राख्न माग गर्दै आएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद विघटनको मुद्दामा सुनुवाइ सुरु

संवैधानिक इजलास गठन, प्रधानन्यायाधीशले राखे चार वरिष्ठ न्यायाधीश

चोलेन्द्र फर्कने भएपछि सर्वोच्चमा आज मुठभेडको खतरा

चोलेन्द्र नामको कलंकको टीका लगाएर एमाले चुनावमा होमिँदै