काठमाडौं - प्रधानन्यायायाधीश चोलेन्द्रशमशेर जबराले संवैधानिक इजलास गठन गरेका छन् । उनले आफू निकटका दुईजना न्यायाधीश राखेका छन् ।

इजलासमा प्रधानन्यायाधीशको नेतृत्वमा वरिष्ठतम् न्यायाधीश दीपककुमार कार्की, आनन्दमोहन भट्टराई, तेजबहादुर केसी र बमकुमार श्रेष्ठ तोकिएका छन् ।

यसअघि ५ पुसमा भएको विघटनको मुद्दामा बेञ्च तोक्दा वरिष्ठताक्रम र विज्ञता दुवै ख्याल नगरी आफ्नो नजिकका न्यायाधीश राखिएको भन्दै प्रधानन्यायाधीशको आलोचना भएको थियो ।

पछिल्लो पटक वरिष्ठतम् न्यायाधीशलाई पनि उनले इजलासमा समावेश गराएका थिएनन् । मन्त्रीपरिषदको सिफारिसमा राष्ट्रपति विद्यादेवी भण्डारीले ८ जेठमा प्रतिनिधिसभा विघटन गरेकी थिइन् ।

यसविरुद्ध सर्वोच्चमा ३० रिट परेका छन् । जसमध्ये बिहीबार साधारण इजलासमा पेस भएका १९ रिटमाथि सुनुवाइ भएको थियो ।

ती रिटमाथि अन्तरिम आदेश दिन अस्वीकार गर्दै प्रधानन्यायाधीश चोलेन्द्र समशेर जबराको इजलासले तिनलाई पनि संवैधानिकमार्फत नै टुग्याउने आदेश दिएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद विघटनको मुद्दामा सुनुवाइ सुरु

प्रधानन्यायाधीश जबरा पछि नहट्ने मुडमा, विवादमा तानिएका दुई न्यायाधीश इजलासमै

चोलेन्द्र फर्कने भएपछि सर्वोच्चमा आज मुठभेडको खतरा

चोलेन्द्र नामको कलंकको टीका लगाएर एमाले चुनावमा होमिँदै