काठमाडौं - संसद सचिवालयमा महाभियोग प्रस्ताव दर्ता भएपछि निलम्बनमा परेका प्रधानन्यायाधीश चोलेन्द्रसमशेर जबरा असोज २ गते सर्वोच्च फर्कने तयारीमा रहेको भन्दै चर्चा हुन थालेको छ ।

प्रतिनिधिसभाको कार्यकाल असोज २ गते सकिने भएकाले जबरा सर्वोच्च फर्कन लागेका हुन् कि भन्ने धेरैलाई लागेको छ । चालू प्रतिनिधिसभाबाट महाभियोग प्रस्ताव पार नलाग्ने भएपछि जबरा फेरि सर्वोच्च फर्कन लागेको भन्दै उनी निकट व्यक्तिहरू खुसी देखिएका छन् ।

महाभियोग सिफारिस समितिले उनीविरुद्धको पहिलो चरणको बयान मात्र सकेको छ । वरिष्ठ अधिवक्ता शम्भु थापाले यो महाभियोगको प्रस्ताव राष्ट्रिय सभाले हेर्न मिल्ने बताएका छन् ।

महाभियोगसम्बन्धी संविधानको व्यवस्थामा धारा १०१ को उपधारा १ मा भनिएको छ, ‘यो संविधान र कानूनको गम्भीर उल्लंघन गरेको आधारमा प्रतिनिधिसभामा तत्काल कायम रहेको सम्पूर्ण सदस्य संख्याको एक चौथाइ सदस्यले राष्ट्रपतिविरुद्ध महाभियोगको प्रस्ताव पेस गर्न सक्नेछन् ।

त्यस्तो प्रस्ताव संघीय संसदको दुवै सदनको तत्काल कायम रहेका सम्पूर्ण सदस्य संख्याको कम्तीमा दुई तिहाइ बहुमतबाट पारित भएमा निज पदमुक्त हुनेछन् ।’ यो व्यवस्थाले महाभियोगको छलफल र मतदानमा राष्ट्रिय सभाको पनि संलग्नता खोजेको देखिन्छ ।

अहिले महाभियोग सिफारिस समितिले प्रारम्भिक बयान र छानबिनको काम गरिरहेको छ । अब थप काम गर्न राष्ट्रिय सभालाई सिफारिससहित प्रतिनिधिसभाले सो प्रतिवेदन पठाएमा भने यो विषय जीवितै रहन सक्छ र प्रधानन्यायाधीश सर्वोच्च फर्कने बाटो बन्द हुन्छ ।

अधिकांश कानुन व्यवसायी र दलका नेताहरूले जबराविरुद्धको महाअभियोग प्रस्ताव हाललाई राष्ट्रिय सभामा पठाउने र नयाँ प्रतिनिधिसभा आएपछि त्यहीँ छलफल हुने धारणा सार्वजनिक गर्न थालेका छन् ।

यदि राष्ट्रिय सभामा महाअभियोग प्रस्ताव पठाइएमा जबराको सर्वोच्च फर्कने सपना तुहिने निश्चित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ठुलो संकटमा प्रधानन्यायाधीश, पदमा बस्ने कि राजीनामा दिने भन्ने दोधारमा

सम्पत्ति शुद्धीकरण अनुसन्धान विभागमा उजुरी परेपछि प्रधानन्यायाधीश जबरामाथि संकट

प्रधानन्यायाधीश जबराविरुद्ध संसदमा महाअभियोग दर्ता

महाअभियोग प्रस्तावपछि प्रधानन्यायाधीश जबरा स्वतः निलम्बित, तर राजीनामा नदिने

चोलेन्द्रशमशेरलाई अर्को ठुलो धक्का, मन्त्रालयले दियो यस्तो जानकारी

एमालेले पहिले चोलेन्द्र बोक्यो, अहिले महाप्रसाद बोक्दै