काठमाडौं - निलम्बित प्रधानन्यायाधीश चोलेन्द्रशमशेर जबराविरुद्ध संसदमा दर्ता भएको महाअभियोग अलपत्र परेको छ ।

गत १ फागुनमा संसद् सचिवालयमा दर्ता महाअभियोग विषयमाथि छलफल नहुँदै र संसद् अधिवशेन अन्त्य भएसँगै अन्योल बनेको हो ।

महाअभियोग विषयमा प्रतिनिधिसभामा छलफल हुने भनिए पनि सरकारले संसद् अधिवेशन अन्त्य गरेकाले अब यो विषय लम्बिने भएको छ ।

एक महिनाअघि सरकारले दुवै सदनको चालू अधिवेशन अन्त्य गर्ने निर्णय गरेकाले प्रधानन्यायाधीश जबराविरुद्धको महाअभियोग लम्बिएको हो ।

राष्ट्रपति विद्यादेवी भण्डारीले जेठ ३ गतेका लागि संसद् अधिवेशन आह्वान गरेकी छन् । तर अब बस्ने अधिवेशन बजेट अधिवेशन भएकाले जबरामाथिको महाअभियोगबारे छलफल नहुने निश्चित छ ।

त्यसमा पनि प्रधानन्यायाधीशविरुद्धको महाअभियोगमा दुई बहुमत जुट्न सक्ने अवस्था छैन । एमालेले अहिलेसम्म यसबारे कुनै निर्णय गरिसकेको छैन । सरकारले ल्याएको प्रस्तावमा विपक्षीले साथ देलान् भनेर सोच्नु सही पनि होइन ।

स्थानीय निर्वाचनको तिक्तताका कारण पनि एमालेले महाअभियोग पास गर्ने सरकारी इच्छामा धक्का लाग्न सक्ने अवस्था छ । यसै पनि जबराले जेठमा आफूले राजीनामा दिने बताइसकेका थिए ।

तर, सरकारले एक्कासि महाअभियोग दर्ता गरेपछि उनी बिच्किएका छन् । कार्यक्षमता र आर्थिक अनियमिततामा प्रश्न चिन्ह उठाउँदै सत्तारुढ दल कांग्रेस र एमालेले जबराविरुद्ध महाअभियोग ल्याएका थिए ।

आफूविरुद्ध महाअभियोग प्रस्ताव आएपछि जबरा निलम्बित अवस्थामा छन् । यतिबेला उनी कसैसँग सम्पर्कमा नभएको स्रोतले बताएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ठुलो संकटमा प्रधानन्यायाधीश, पदमा बस्ने कि राजीनामा दिने भन्ने दोधारमा

सम्पत्ति शुद्धीकरण अनुसन्धान विभागमा उजुरी परेपछि प्रधानन्यायाधीश जबरामाथि संकट

प्रधानन्यायाधीश जबराविरुद्ध संसदमा महाअभियोग दर्ता

महाअभियोग प्रस्तावपछि प्रधानन्यायाधीश जबरा स्वतः निलम्बित, तर राजीनामा नदिने

चोलेन्द्रशमशेरलाई अर्को ठुलो धक्का, मन्त्रालयले दियो यस्तो जानकारी

एमालेले पहिले चोलेन्द्र बोक्यो, अहिले महाप्रसाद बोक्दै