राजनीतिक बिशेष
पाँच वर्षमा एउटा सम्झनलायक काम नगर्ने विद्यासुन्दर फेरि पनि एमालेको पहिलो रोजाइमा
पाँच वर्षमा एउटा सम्झनलायक काम नगर्ने विद्यासुन्दर फेरि पनि एमालेको पहिलो रोजाइमा
काठमाडौं - अघिल्लो स्थानीय तहको निर्वाचनमा काठमाडौंको मेयरमा उम्मेदवारी दिँदा एक सय एक नारा अघि सारेर विजयी भएका विद्यासुन्दर शाक्य फेरि पनि एमालेको पहिलो रोजाइमा परेका छन् ।
पाँच वर्षे कार्यकालमा आफूले घोषणा गरेका एउटा पनि प्रतिबद्धता पूरा नगरेका शाक्यलाई एमाले काठमाडौं महानगर कमिटीले फेरि पनि मेयरमा सिफारिस गरेको छ ।
पाँच वर्षअघि शाक्यले काठमाडौं सफा सुन्दर बनाउने, मेट्रो र मोनो रेल कुदाउने, स्मार्ट सिटी बनाउने जस्ता प्रतिबद्धता जनाएका थिए । तर, उनको कार्यकालमा एउटै पनि बाचा पूरा भएन ।
कतिसम्म भने पाँच वर्षे कार्यकालमा उनले महानगरको आफ्नै कार्यालयसमेत बनाउन सकेनन् । भाडाकै घरबाट महानगर चलाइरहेका छन् । एमाले अध्यक्ष केपी ओलीकी श्रीमती राधिका शाक्यको आफन्त भएकाले पनि विद्यासुन्दर फेरि पनि महानगरको मेयरमा सिफारिस भएका हुन् । एमाले स्रोतका अनुसार शाक्य माइग्रेनका बिरामी हुन् ।
उनी बाहिर निस्कन त्यति मन पराउँदैनन् । उनी धेरैजसो समय घरमै आराम गरेर बस्ने गरेकाले पनि उनको पाँच वर्षे कार्यकाल शून्यमै बितेको एमाले नेता कार्यकर्ता नै बताउँछन् ।
उनले जुन जुन क्षेत्रमा हात हाले, ती सबैमा उनी विवादमा समेत आएका थिए । शाक्यसँगै संघीय सांसद रामवीर मानन्धर, पूर्वमेयर केशव स्थापित, निर्मल देउला र इन्दिरा पन्तको नाम मेयरमा सिफारिस भएको छ ।
मानन्धर पूर्वराज्यमन्त्रीसमेत हुन् । शाक्य एमाले काठमाडौंका पूर्वअध्यक्ष, स्थापित पूर्वमेयर तथा प्रदेश सभा सांसद देउला महानगर कमिटीका अध्यक्ष हुन् ।
पन्त प्रदेश कमिटी सदस्य तथा उद्यमी महिला नेत्री हुन् । एमालेले ३२ वटै वडामा वडाध्यक्ष र सदस्यहरूको नाम पनि सिफारिस गरेको छ । वडाको उम्मेदवार जिल्ला कमिटी र महानगरको मेयर र उपमेयरको नाम केन्द्रीय कमिटीले अन्तिम टुंगो लगाउनेछ ।
एमालेले काठमाडौंको दशओटै नगरपालिकामा मेयर र उपमेयर तथा वडाका उम्मेदवारहरूको छनोट प्रक्रिया अगाडि बढाइरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४