मुख्यमन्त्रीको दौडमा रहेका बानियाँ कांग्रेस बाग्मती प्रदेश सभापतिका उम्मेदवारमध्ये बलिया
मुख्यमन्त्रीको दौडमा रहेका बानियाँ कांग्रेस बाग्मती प्रदेश सभापतिका उम्मेदवारमध्ये बलिया
काठमाडौं - नेपाली कांग्रेसको १४औं महाधिवेशनअन्तर्गत अहिले सातवटै प्रदेशमा अधिवेशन भइरहेको छ । बिहीबार अधिवेशन उदघाटन गरिएको थियो ।
शुक्रबार उम्मेदवारी दर्ता गर्ने र शनिबार मतदान गर्ने कार्यतालिका छ । यसक्रममा कांग्रेस बाग्मती प्रदेश सभापतिका लागि इन्द्रबहादुर बानियाँले उम्मेदवारी दर्ता गरेका छन् । हेटौंडामा जारी महाधिवेशनमा उनले केही समयअघि उम्मेदवारी दर्ता गरेका हुन् ।
नेपाली कांग्रेसका बाग्मती प्रदेश संसदीय दलका नेतासमेत रहेका बानियाँ पार्टी सभापति शेरबहादुर देउवा पक्षबाट सभापतिमा उम्मेदवारी दर्ता गरेका हुन् । पूर्वगृहराज्यमन्त्रीसमेत रहेका बानियाँको पकड बाग्मती प्रदेशमा धेरै छ ।
आगामी ६ महिनाभित्र बाग्मती प्रदेशको मुख्यमन्त्री बन्ने अवस्थामा रहेका नेता बानियाँ संसथापनइतर समूहका उम्मेदवार जगदीश्वरनरसिंह केसीको तुलनामा निकै लोकप्रिय छन् । केसी आफ्नै गृहजिल्ला नुवाकोटमा पनि कमजोर छन् ।
तर, बानियाँको प्रभाव भने विभिन्न जिल्लामा छ । संस्थापन पक्षबाट उपसभापतिमा मदनकृष्ण श्रेष्ठ र धर्मराज गौतम, महामन्त्रीमा राजु श्रेष्ठ र तिलक रुवाली, सहमहामन्त्रीमा हरिशरण श्रेष्ठ, महेन्द्र थिङ र निरु खड्का उम्मेद्वार रहनेछन् ।
संस्थापन इतर पक्षबाट उपसभापतिमा मोहन बस्नेत र राजेन्द्र बुर्लाकोटी, महामन्त्रीमा रामचन्द्र अर्याल माइकल, कचनचन्द्र बादे उम्मेदवार बन्ने भएका छन् । सहमहामन्त्रीमा जीवन डंगोल, दिलबहादुर तामाङ र ऋषिराम घिमिरे उम्मेदवार बन्ने भएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४