काठमाडौं - आफ्नो देशको सिमाना चीनले अतिक्रमण गरेको देख्दादेख्दै पनि स्थलगत अध्ययन कार्यदलले आँखा चिम्लेको छ । हुम्लाको नाम्खा गाउँपालिकाको लिमी लाप्चादेखि हिल्सासम्म चीनसँग सीमाना जोडिएको क्षेत्रको स्थलगत अध्ययन गर्न गठित कार्यदलले गृहमन्त्री बालकृष्ण खाँणलाई बुझाएको प्रतिवेदनमा यथार्थ कुरा लेख्न समिति सदस्यहरू डराएका छन् ।

प्रतिवेदनमा सीमालगायतका द्विपक्षीय विषयहरु संयुक्त निरीक्षण समूह, संयुक्त विज्ञ समूह र संयुक्त निरीक्षण समितिमार्फत् समाधान गर्न सुझाव प्रस्तुत गरे पनि कति भूमि चीनले मिचेको भन्ने लेख्न हात काँपेको स्रोतले जनाएको छ ।

प्रतिवेदनमा सिमानामा लगाइएको मार्कर र पिल्लरको अवस्था ठीक रहेको उल्लेख गरेको बताइन्छ । तर, हुम्लासँग जोडिएको सिमानाको १० (टेन)ं यार्डस् (दशगजा) क्षेत्रका केही ठाउँमा जाली राखेको जस्तो देखिएको संकेत गरिएको छ । त्यो जाली के हो ? कहाँ राखिएको हो ? के प्रयोजनको लागि भन्ने केही पनि नखुलाइएको मन्त्रालय स्रोतले बतायो ।

जबकि लाप्चामा चीनले भौतिक संरचना निर्माण गरेको देखिएको कांग्रेस नेता जीवनबहादुर शाहीले बाहिर ल्याएका थिए । चीनले नेपालको भूमि मिचेको भन्दै कांग्रेस उपसभापति विमलेन्द्र निधिले कुरा उठाएपछि भदौ १६ गतेको क्याबिनेट बैठकबाट कार्यदल गठन भएको थियो ।

कार्यदलले दिएको प्रतिवेदनमा सो क्षेत्रको भौगोलिक, सामाजिक, सांस्कृतिक, भौतिक पूर्वाधारलगायतका विषयलाई समेटेको तर किटानीसाथ केही पनि नबोलिएको स्रोतले बताएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भूमी अतिक्रमणको बिरोधमा चिनियाँ राष्ट्रपतिको पुत्ला दहन

चीनले नेपाली भूमि मिचेकै छ, नेपाली भूमिमा नेपालीलाई नै हिँड्न दिँदैन : कांग्रेस नेता शाही

हुम्लाको सिमकोट विमानस्थलमा आगलागी

मध्यरातमा हुम्लामा जिप दुर्घटना, चारको मृत्यु, ७ घाइते

हुम्लामा चुनाव रोकिने खतरा, के हो कारण ?

हुम्लामा वेबासिस अवस्थामा शव भेटियो