काठमाडौं – अफगानिस्तानमा तालिबानले कब्जा गरेपछि अमेरिकी राष्ट्रपति जो बाइडनले अमेरिकी सेना फर्काउने निर्णयको बचाउ गरेका छन् ।

विद्रोही पक्ष तालिबानले काबुल कब्जा गरेको दोस्रो दिन बाइडनले ह्वाइट हाउसबाट सम्बोधन गर्दै अमेरिकी सेना फर्काउने निर्णय सही भएपनि अफगानिस्तानका नेता र सुरक्षा फौजले आफ्नो काम नगर्दा तालिबानले सत्ता कब्जा गरेको बताएका छन् ।

आईतवार तालिबानले काबुलस्थित राष्ट्रपति कार्यालयमा कब्जा जमाएको छ भने राष्ट्रपति असरफ घानी देश छाडेर भागेका छन् । २० वर्षपछि तालिबानीहरु फेरि सत्तामा आएपछि अब भविष्य के हुने हो भनेर हजारौं अफगानीहरु देश छाड्नका लागि काबुलस्थित हमिद कारजाई विमानस्थलमा पुगेका छन् । 

अमेरिकाले सेना फिर्ता गर्नु गलत भएको चर्चा भइरहेका बेला सोमवार देशवासीका नाममा सम्बोधन गर्दै बाइडनले यति छिट्टै तालिबानीले काबुल कब्जा गर्लान् भन्ने नलागेको भएपनि सेना फर्काउने निर्णय सही भएको बताए ।

बाइडनले भने, ‘म मेरो निर्णयमा अहिले पनि अडिग छु । २० वर्षको अवधिमा मैले थाहा पाएको कुरा के हो भने अफगानिस्तान छाड्ने राम्रो समय कहिल्यै पनि आएन । त्यही भएर हामी अझै त्यहाँ छौं ।’

अमेरिकी सेनाले २० वर्षसम्म अर्बौं डलर खर्चेर बनाएका अफगान सुरक्षा फौजले केही महिनासम्म भए पनि तालिबानलाई रोक्ने विश्वास ह्वाइट हाउसको रहेको थियो ।

बाइडनले भने, ‘यो सबै हामीले सोचेभन्दा निकै छिटो भएको सत्य हो । त्यसपछि के भयो ? अफगान नेताहरुले लत्तो छोडे र देशबाट भागे । अफगान सुरक्षा फौजले पनि तालिबानलाई छोडिदिए । कतिपय ठाउँमा त लड्ने प्रयास पनि गरेनन् ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अमेरिकामा डेमोक्रेटिक पार्टीका जो बाइडेन राष्ट्रपति बन्ने निश्चित

राष्ट्रपति निर्वाचित भएपछि बाइडेनको मन छुने सन्देश, तोड्ने होइन, जोड्ने काम गर्छु

चीनविरुद्ध बाइडेनको सुरुवाती प्रहार

अमेरिकी चुनावको नतिजा अर्को हप्ता आउँने, फेरि ट्रम्पको जित्ने घोषणा

सुरूवाती चरणमै कोरियाली राष्टपतिसँग बाइडेनको हिमचिम

अमोरिकामा अर्काे इतिहास रच्दै बाइडेन