काठमाडौं – गत वर्षको कात्तिक २० गते सुर्खेतको वीरेन्द्रनगर नगरपालिकास्थित स्थानीय पत्रिकामा कार्यरत युवतीले साल्ट ट्रेडिङका कर्मचारीविरुद्ध उजुरी गरिन् । पटक–पटक यौन शोषण गरेको उनको दाबी थियो । केही दिन फरार रहेका कर्मचारी अन्ततः पक्राउ परेका थिए ।

मुद्दा जिल्ला अदालतमा पुगेपछि भने पीडित भनिएकी युवतीको बयान फेरियो । आफूलाई ती कर्मचारीले बारम्बार फोन गरिरहने भएकाले रिस उठेर बलात्कारको आरोप लगाएको बयान उनले अदालतमा दिइन् ।

उनलाई गत भदौ १४ गते अदालतले दोषी ठहर गर्दै कर्मचारीलाई सफाइ दियो । युवतीमाथि १ महिना कैद र १ हजार ५०० रुपैयाँ जरिवानाको फैसला भयो ।

गत असोजमा वीरेन्द्रनगर नगरपालिकाका १ कर्मचारीमाथि झूटो आरोप लगाउने ३७ वर्षीया महिलालाई पनि अदालतले कैद सजायको फैसला गरेको छ । जिल्ला न्यायाधीश राजेन्द्रकुमार आचार्यको एकल इजालसले गत सोमवार उनलाई ३ वर्ष ६ महिना कैद सजाय सुनाएको छ ।

होटलमा बोलाएर कर्मचारीले बलात्कार गरेको उनले आरोप लगाएकी थिइन् तर पछि उनले अदालतमा बयान फेरेकी थिइन् ।

झूटो जाहेरी दिएर व्यक्तिको मानहानी गरेको ठहर गर्दै महिलालाई कैद सजाय तोकिएको जिल्ला अदालतका सूचना अधिकारी नरेन्द्रप्रसाद पोखरेलले बताएका छन् । पछिल्लो समय कानूनको आडमा रिसइबी साध्न केही महिलाले झूटो आरोप लगाउने गरेको उनले बताए ।

‘कानूनको फाइदा उठाएर लेनदेनलगायत विषयमा कुरा नमिलेपछि आरोप लगाउने प्रवृत्ति देखियो,’ उनले भने । पछिल्लो ३ वर्षमा जिल्ला अदालतमा २४३ वटा जबर्जस्ती करणीका मुद्दा दर्ता भएका छन्, जसमध्ये ७६ मुद्दा फर्स्योट हुन बाँकी छ ।

चालू आर्थिक वर्षमा जबरजस्ती करणीका ४८ मुद्दा दर्ता भएको अदालतले जानकारी दिएको छ ।

पछिल्लो समय पैसाको प्रलोभनमा परी मुद्दा दर्ता गर्ने र पुनः पैसाकै लोभमा बयान फेर्ने प्रवृत्ति बढेको अधिवक्ता दुर्गाप्रसाद सापकोटाले बताएका छन् । आजको कान्तिपुर दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कता जादैछ समाज ? बहिनी बलात्कार गरेको आरोपमा दाजु पक्राउ

सुत्केरी ब्यथा लागेपछि युवती बलात्कृत भएको खुलासा, एक युवक पक्राउ

बालिका बलात्कारको आरोपमा जसपाका वडा अध्यक्ष जेल चलान

बेलबारीमा घट्यो अनौठो घटनाः १६ बर्षिया किशोरी माथि चार जनाले गरे सामुहिक बलात्कार 

बेलबारीमा घट्यो अनौठो घटनाः १६ बर्षिया किशोरी माथि चार जनाले गरे सामुहिक बलात्कार 

जब बाँकेमा पुजारीले मन्दिरको कुटीमै बोलाएर दुई युवतीलाई बलात्कार गरे..