वाशिङ्टन - अमेरिकी राष्ट्रपति जो बाइडेनले "अमेरिका फिर्ता भएको" उल्लेख गर्दै अमेरिकाको "सबैभन्दा गम्भीर प्रतिस्पर्धी" चीनको सामना गर्ने बताएका छन् । 
वाशिङ्‌टनको नेतृत्वले बेइजिङ्‌को बढ्दो महत्वाकांक्षाको नयाँ चुनौतीको सामना गर्नुपर्ने अभिव्यक्तिहरु आइरहेका समयमा बाइडेनले चीनको सामना गर्ने प्रतिक्रिया दिएका हुन् ।

आफ्नो प्रशासनले गम्भीर प्रतिस्पर्धी चीनद्वारा अमेरिकाको समृद्धि, सुरक्षा र प्रजातान्त्रिक मूल्यमा हुने प्रत्यक्ष चुनौतीहरूको सामना गर्ने उनले बताएका छन् । 

"हामी उनीहरुको आर्थिक दुर्व्यवहारको पनि सामना गर्नेछौं । तर बेइजिले व्यवहारका सुधार गरेमा उससँग काम गर्न तयार छौं । यो अमेरिका र चीन दुबैको हितमा छ," बाइडेनले आफ्नो पहिलो विदेश नीति सार्वजनिक गर्दै भने । 

"म चाहान्छु कि संसारले आज एउटा सन्देश सुन्‍नुपर्छ, अमेरिका फिर्ता छ । कूटनीति हाम्रो विदेश नीतिको केन्द्रमा फर्किएको छ । अमेरिकी नेतृत्वले अमेरिकालाई प्रतिस्पर्धा गर्न चीनको बढ्दो महत्वाकांक्षा रुस लगायतका अधिनायकवादको यो नयाँ घडीमा सजगताका साथ आफ्नो जिम्मेवारी पूरा गर्नुपर्नेछ," उनले थपे ।
 
राष्ट्रपति बाइडेनले अझै चिनियाँ राष्ट्रपति शी जिनपिङसँगको तनावपूर्ण सम्बन्धलाई समाधान गर्ने विषयमा भने उनले कुरा गरेका छैनन् । राष्ट्रपति बाइडेनले दोहोर्‍याए कि अमेरिकाका सहयोगीहरु "यसको सबैभन्दा ठूलो सम्पत्ति मध्येको एक हो । जसले कूटनीतिसँग अग्रसर हुनुको अर्थ" हाम्रा विरोधीहरू र हाम्रा प्रतिस्पर्धीहरूलाई कुटनीतिक रुपमा संलग्न गर्नु हो ।"

"गत दुई सातामा मैले हाम्रा धेरै नजिकका मित्रहरू - क्यानडा, मेक्सिको, बेलायत, जर्मनी, फ्रान्स, नाटो, जापान, दक्षिण कोरिया र अष्ट्रेलियाका नेताहरूसँग कुरा गरिसकेको छु । प्रजातन्त्रिक गठबन्धनलाई पुनर्निर्माण गर्ने कामलाई अघि बढाउने सहमति भएको छ ।  जुन यसअघिको चार वर्षको उपेक्षा र दुरुपयोगबाट ग्रस्त छ," उनले भने ।

राष्ट्रपतिले रुसी विपक्षी दलका नेता एलेक्सी नाभाल्नीलाई जेल हाल्‍ने निर्णयको समेत विरोध गरेका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अमेरिकामा डेमोक्रेटिक पार्टीका जो बाइडेन राष्ट्रपति बन्ने निश्चित

राष्ट्रपति निर्वाचित भएपछि बाइडेनको मन छुने सन्देश, तोड्ने होइन, जोड्ने काम गर्छु

चीनविरुद्ध बाइडेनको सुरुवाती प्रहार

अमेरिकी चुनावको नतिजा अर्को हप्ता आउँने, फेरि ट्रम्पको जित्ने घोषणा

सुरूवाती चरणमै कोरियाली राष्टपतिसँग बाइडेनको हिमचिम

अमोरिकामा अर्काे इतिहास रच्दै बाइडेन