काठमाडौं – मोरङ मिक्लाजुङस्थित सरस्वती आधारभूत विद्यालयका प्रधानाध्यापक राजेन्द्रकुमार श्रेष्ठको घाँटी रेटेर हत्या गरिएको छ। मिक्लाजुङ गाउँपालिका–१ बर्खेका ५३ वर्षीय श्रेष्ठको शव जंगलमा फेला परेको मोरङ प्रहरीले जनाएको छ। पाँच–सातजनाको अज्ञात समूहले मंगलबार बिहान श्रेष्ठलाई घरबाटै अपहरण गरी लगभग एक किलोमिटर पर देउढुंगा जंगलमा लगी हत्या गरेर फालेको अवस्थामा भेटिएको प्रहरीले जनाएको छ।

श्रेष्ठको अपरहण भएको करिब एक घन्टापछि जंगलमा बन्दुकको ठूलो आवाज आएपछि गोली प्रहार गरिएको खबर स्थानीयले दिएको प्रहरीको भनाइ छ। श्रेष्ठको गोली प्रहारबाट नभई धारिलो हतियारले घाँटी रेटेर टाउकोमा लाठी प्रहार गरेर हत्या भएको घटनास्थलमा पुगेको प्रहरी टोलीले जनाएको छ।

नेत्रविक्रम चन्द ‘विप्लव’ नेतृत्वको नेकपा मेची–कोसी ब्युरोले मंगलबार साँझ प्रेस विज्ञप्ति जारी गर्दै हत्याको जिम्मेवारी लिएको छ। विज्ञप्तिमा श्रेष्ठमाथि केही समयदेखि आफूविरुद्ध सुराकी गरेकोरसुरक्षाकर्मी बोलाई कारबाही गराएको आरोप पनि लगाइएको छ। यो घटनाले तत्कालीन माओवादी द्वन्द्वको समयमा लमजुङमा मुक्तिनाथ अधिकारीको हत्या भएको घटनाको झल्को दिएको छ। उतिबेला माओवादीले पनि अधिकारीलाई यसैगरी हत्या गरेका थिए।

घटनास्थलमा करिब आठ घन्टापछि दिउँसो ३ बजेतिर मात्रै प्रहरी पुगेको थियो। त्यहाँ पुग्दा दुवै हात बाँधी उत्तानो परेकोरआधा भाग घाँटी रेटिएको तथा जमिनमा मडारिएको अवस्थामा श्रेष्ठको शव भेटिएको थियो। घटनास्थलमा लाठी, श्रेष्ठले लगाउने टोपी, चप्पलरमोबाइल प्रहरीले फेला पारेको खबर आजको नागरिक दैनिकमा छ।

‘घटनास्थलमा मोरङ प्रहरीको टोली पुगिसकेको छ,’ प्रदेश १ का प्रमुख डिआइजी ईश्वरबाबु कार्कीले भने, ‘मृतकको दुवै हात पछाडि बाँधेकोरघाँटीमा धारिलो हतियार प्रयोग भएको देखिएको छ। गोली चलेको आवाज सुनेका आधारमा गोली हानेर हत्या भएको जानकारी स्थानीयले दिए पनि मृतकको शवमा गोली प्रहार भएको देखिएन।’

मोरङ प्रहरीका प्रमुख एसपी सन्तोष खड्काले नेत्रविक्रम चन्द ‘विप्लव’ समूहका कार्यकर्ताले अपहरण गरी हत्या भएको सूचना आएको जानकारी दिए।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कर्णाली प्रदेशमा समातिए विप्लब समुहका १३ कार्यकर्ता 

विप्लवसँग ओली सरकार किन डराएको : अर्थविभाग प्रमुख पक्राउ

ओली सरकारलाई विप्लवको चुनौती : ‘खुल्लामञ्च’ आउन तयार छौँ

खसी नदिएपछि गरेको थियो मोरङमा विप्लव समूहले शिक्षकको हत्या 

विप्लवले शिक्षक मारेको गाउँमा अरुलाई पनि सफाया गर्ने हल्ला, गाउँले त्रसित

आज विप्लव माओवादीको बन्द, बजार र सवारी साधन ठप्पै