नयाँ दिल्ली - चीन-भारत सीमा विवाद बढ्दै जाँदा भारतीय सेनाले सीमा गस्तीलाई तीव्रता दिएको छ । भारतीय सञ्‍चारमाध्यम द प्रिन्टका अनुसार भारतीय सेनाले पाङगोङ सोको दक्षिणी क्षेत्रका ३० वटा वटा क्षेत्रहरु नियन्त्रणमा लिएको छ । जुन यसअघि नियन्त्रणमा अथवा आंशिक नियन्त्रणमा थिए।

पूर्वी लद्दाखमा वास्तविक नियन्त्रण रेखा (एलएसी) मा भारतीय र चिनियाँ सेनाबीच पछिल्लो तानातानीपछि भारतीय सेनाले यस्तो कदम चालेको हो । 

सरकारी स्रोतका अनुसार  रेजाङ ला र रेकिन ला दुबै इलाकासहित स्पेङगुर गापमा प्रभुत्व जमाएका छन र २७ देखि ३१ सम्मको गस्ती पोइन्ट निर्धारण गरिएको छ । यसमा ब्ल्याक टप, हानान, हेलमेट, गुरुङ हिल, गोरखा हिल र मगर हिलको पहाडहरुमा पनि भारतीय सेनाले नियन्त्रणमा लिएको छ ।

पूर्वी लद्दाखमा भएको झडपअघि यी इलाकाहरुमा भारतीय सेना थिएनन् अथवा आंशिक नियन्त्रणमा थिए ।

जुन भएमा हिंसात्मक झडपपछि आफ्नो सीमा रक्षामा थप आक्रामक बनेको भारतीय सेनाले सुदृढीकरण गर्दै गएको छ । जबकि अन्य केही पछिल्ला दिनहरुमा कब्जा गरिएका छन् । 
भारतीय सेनाले पाङगोङ सोको दक्षिणी किनारमा पीएलए गतिविधि अघि बढाएपछि “एकतर्फी तथ्यलाई परिवर्तन गर्ने चिनियाँ अभिप्रायलाई असफल बनाइएको छ ।” यो कदमले भारतको पक्षलाई वार्ताको टेबलमा बस्दा पनि डिल गर्न सहज तुल्याउने स्रोतले जनाएको छ । 

पूर्वी लद्दाखमा झन्डै १६ सय वर्ग किलोमिटरको विवादित क्षेत्र रहेको छ, जसमध्ये करिब ३५० वर्ग किलोमिटर पाङगोङ सोको दक्षिणमा रहेको छ । अर्को १,२५० वर्ग किलोमिटर झीलको उत्तरी क्षेत्रहरूमा विवादित छ र यसमा डेप्साङ मैदानमा १,००० वर्ग किमी छ ।

पूर्व कोर्प्स कमाण्डर लेफ्टिनेंट जनरल पीजेएसएस पन्‍नू (सेवानिवृत्त) ले दक्षिणी ब्यांकले भारतीय सेनालाई उत्तरी ब्यांकमा भएका गतिविधिहरू अनुगमनको क्षेत्रमा फाइदा पुर्‍याउने बताएका थिए । 

"चिनियाँहरूले पनि दक्षिणी किनारमा सैनिक गस्तीमा कडाइ पारेको छ, किनकि भारतीय सेनाले यस क्षेत्रमा केही महत्वपूर्ण उचाइमा नियन्त्रण कायम राखेको छ ।"

भारतीय सेना र चिनियाँ सेनाबीच तानातानी र झडपकै स्थिति रहेकोले एक अर्काको सामना गर्नुपरेको बेला एलएसीको अवस्था अझै तनावपूर्ण छ । 

सेना प्रमुख जनरल एमएम नरभाने लद्दाख क्षेत्रको सुरक्षा अवस्था र परिचालन तयारीको समीक्षा गर्न बिहीबार लेहको दुई दिने भ्रमणको लागि प्रस्थान गरेका छन् ।  यसभन्दा पहिले प्रकाशित रिपोर्ट अनुसार भारतीय सेनाका विशेष इकाइहरू उच्चस्थानमा छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनसँग विवाद जारीरहेपछि भारतले सीमामा तैनाथ गर्याे मिग–२९के युद्धक विमान 

भारतमा चिनियाँ र अष्ट्रेलियाका राजदुतबीच भिडन्त

चीनसँग तनाव बढेपछि भारतले भन्यो लिपुलेक क्षेत्रमा विशेष निगरानी गर्नू

भारत–चीनबीच कूटनीतिबाट मात्रै सहमति हुनसक्छ :  विदेशमन्त्री जयशंकर

भारत र चीनका सैनिकबीच सिमामा दोहोरो फायरिङ, भिडन्तको खतरा !

लद्दाखमा फेरी भिडे भारत र चीनः चल्यो २ सय राउण्ड गोली