काठमाडौं - भारतले आज (सोमबार) राति धौलीगंगा बाँध खोल्ने भएको छ । भारतको उत्तराखण्ड प्रदेशको पिथौरागढ जिल्लामा रहेको धौलीगंगा जलविद्युत् परियोजनाको बाँध सोमबार राति १२ बजे खोल्ने भएको हो ।

धौलीगंगाको बाँध खोल्दा सुदुरपश्चिमका चार जिल्लाका नदी क्षेत्रका बस्ती उच्च जोखिममा पर्छन् । बाँध खोलेपछि दार्चुला, बैतडी, डडेल्धुरा र कञ्चनपुरका नदी क्षेत्रमा पानीको वहाव बढ्छ र यसले त्यस क्षेत्रका बस्तीमा डुबानको जोखिम बढाउँछ ।

भारतले भने बाँधमा पानीको मात्रा बढ्ने भएकाले बेलाबेलामा नियमित सरसफाइ गर्नुपर्ने भन्दै बाँध खोल्ने गरेको छ । यसअघि भारतले ०७० सालमा बाँध खोल्दा र्दाचुलालगायतका जिल्लामा ठूलो क्षति भएको थियो ।

यस पटक पनि नदी क्षेत्रका नागरिकलाई नदी छेउछाउमा नजान र सतर्कता अपनाइ राख्न नेपाल र भारतका स्थानीय प्रशासनले अनुरोध गरेका छन्। एनएचपीसी लिमिटेड, धौलीगंगा पावरस्टेसन, धारचुलाले आज अर्थात सोमबार राति १२ बजेदेखि भोलि अर्थात मंगलबार बेलुका पौने ७ बजेसम्म बाँध खोलिने जनाएको छ ।

बाँध खोलेपश्चात् मुख्यरुपले दार्चुलाको व्यास गाउँपालिका–५ धौलाकोटदेखि लेकम गाउँपालिकाको लालीसम्म तटीय क्षेत्रमा खतरा हुने जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

भारतबाट आउने महिलालाई तत्काल नागरिकता दिनुपर्छ : डा. कोइराला

ईलाममा ३ करोडको लागतमा भारतले बनाइदियो संस्कृत विद्यालय 

भारतको झट्कापछि चीन शान्ति कायम गर्ने तयारीमा

सिन्धुपाल्चोक घटनाप्रति भारतद्वारा दु:ख व्यक्त

भारत सरकारले बनाइदियो राष्ट्रपति भण्डारी पढेको क्याम्पसको विज्ञान भवन