काठमाडौँ - पार्टी महासचिवसहित शीर्ष नेतालाई ३५ दिने पक्राउ पुर्जी जारी भएपछि नेत्रविक्रम चन्द विप्लव नेतृत्वको नेकपाले न्यायाधीशकै पुत्ला जलाउने भएको छ ।

जिल्ला अदालत काठमाडौँले ३५ दिने पक्राउ पुर्जी जारी गरेपछि नेकपाले मंगलबारदेखि नै संघर्षका कार्यक्रम घोषणा गरेको छ। काठमाडौँ जिल्ला अदालतले २०७६ पुसको मुद्दा ब्युँताएर सोमबार पक्राउ पुर्जी जारी गरिएको विप्लव नेकपाको ठहर छ।

‘नेपाल कम्युनिस्ट पार्टीका महासचिव विप्लव सी, प्रवक्ता, प्रकाण्ड सी पीवीएम माइला सीलगायतका नाममा पक्राउ पुर्जी जारी गरेको छ। अदालतको उक्त कार्य २०७७ फागुन २१ गते सम्पन्न तीनबुँदे सहमतिको ठाडो उल्लंघन मात्र हैन, देशका समस्यालाई शान्तिपूर्ण तरिकाले निकास दिन भइरहेका गम्भीर पहलमाथिको विध्वंसात्मक हमला पनि हो। राज्यको जिम्मेवार निकाय अदालतमा बसको न्यायाधीशले प्रदर्शन गरेको यस्तो गैरकानुनी, असभ्य एवं अराजक कार्यको पार्टी घोर भर्त्सना गर्दछ। साथै यस्ता वितण्डावादी कार्य रोक्न माग गर्दछ,’ विप्लवले मंगलबार जारी गरेको विज्ञप्तिमा उल्लेख छ ।

प्रतिबन्ध हटाउँदा राज्यसँग गरिएको तीन बुँदे सहमतिमध्ये एउटा पार्टी नेताका कार्यकर्तामाथि लगाइएका मुद्दा फिर्ता लिने र बन्दीलाई मुक्त गर्ने रहेको पनि उनले बताएका छन्। ‘राज्यका सहमतिलाई कानूनको अंग बनाएर समस्याहरूलाई समाधान गर्न मद्दत गर्नुपर्ने मुख्य अंग अदालतले नै गैरकानूनी कदम चाल्नु भनेको देशमा शान्ति भाँड्न अदालत र न्यायाधीश नै सक्रिय बनेको त होइन भन्ने आशंका पैदा भएको छ,’ उनले भनेका छन्।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

‘विप्लव’का दाई ‘बीरजंग’ पक्राउ

कार्यकक्षमै कुटिएका वडा अध्यक्षलाई उपचारका लागि काठमाडाैं लगियाे

'विप्लवलाई सत्तामा पुगेको हेर्ने रेखाको सपना'

विप्लव माओवादी सैन्य तालिममा व्यस्त

विपत्तीमा चन्द समुहका कार्यकर्ता

विप्लवका सेक्सन कमाण्डर अमेरिकन पेस्तोलसहित पक्राउ