काठमाडौं -भारतले अत्यावश्यक चिकित्सा सामग्रीसहितको चौथो चरणको भूकम्प राहत सामग्री पठाएको छ ।

ती राहत सामग्री सोमबार बेलुका नेपाल आइपुगेको र नेपाल सरकारलाई हस्तान्तरण गरिएको भारतीय दूतावासले जनाएको छ ।

नेपाल चिकित्सक संघको मागअनुरुप भारतले राहत सामग्री उपलब्ध गराएको हो ।

राहत सामग्रीमा अत्यावश्यक औषधि र उपकरण समावेश छन् ।

जाजरकोट भूकम्पबाट प्रभावित परिवारका लागि हालसम्म भारतले ३४ टनभन्दा बढी आपतकालीन् राहत सामग्री उपलब्ध गराइसकेको छ ।

‘छिमेकी पहिलो नीतिअन्तर्गत नेपाललाई सहयोग गर्ने भारतीय प्रतिबद्धतालाई जाजरकोट भूकम्पमा भारतले देखाएको मानवीय सहयोगले पुष्टि गरेको छ,’ भारतीय दूतावासले मंगलबार जारी गरेको विज्ञप्तिमा भनिएको छ, ‘नेपाल सरकारले तोकेको मापदण्ड र प्राथमिकताका आधारमा भारतले नेपालमा राहत सामग्री सहयोगलाई निरन्तरता दिनेछ ।’

भूकम्प गएलगत्तै भारतीय प्रधानमन्त्री नरेन्द्र मोदीले दुःख व्यक्त गर्दै नेपाललाई चाँडोभन्दा चाँडो राहत सामग्री उपलब्ध गराउने घोषणा गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।