काठमाडौं - नेपाली सेनाको भावी सेनापतिको टुंगो शुक्रबार नै लाग्ने भएको छ ।

उमेर विवादमा परेका उपरथी ताराध्वज पाण्डेले राजीनामा दिएसँगै दुईतारे जर्नेल अशोक सिग्देलको बढुवा हुने निश्चित भएको छ । आज बेलुकासम्म पाण्डेको राजीनामा स्वीकृत हुने र सिग्देलले निमित्त बलाध्यक्षको जिम्मेवारी लिने स्रोतले बतायो ।

नागरिकता विवादमा अख्तियारको निर्देशनपछि जंगी अड्डाले छानबिन थालेपछि पाण्डेले राजीनामा बुझाएका थिए । २०८१ भदौ २४ सम्म प्रधानसेनापति प्रभुराम शर्माको कार्यकाल रहेकाले त्यसपछि सिग्देल चिफ हुनेगरी लाइन सोझिएको हो ।

केही दिनअघि सरोजप्रताप राणाले अनिवार्य अवकाश पाएपछि सीताराम खड्काले बलाधिकृतको जिम्मा लिएका थिए । अहिले उनी सेनाको दोस्रो वरीयतामा छन् ।

खड्काले पुसमा अवकाश पाउने भएका छन् । नागरिकता विवादमा नपरेको भए पाण्डे नै सेनाको कमान्डर इन चिफ हुने थिए । तर अब उनीमाथि कोर्ट मार्सल हुने खतरा बढेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।