काठमाडौं - भारतमा केही दिनपछि जी–२० शिखर सम्मेलन आयोजना हुँदैछ । सम्मेलनमा विश्वका चर्चित नेताहरू सहभागी हुँदैछन् ।

सम्मेलनमा भाग लिन अमेरिकी राष्ट्रपति जो बाइडेन बिहीबार भारत आउँदैछन् । अमेरिकाका राष्ट्रिय सुरक्षा सल्लाहकार (एनएसए) जेक सुलिभानले ह्वाइट हाउसमा आयोजित पत्रकार सम्मेलनमा उक्त जानकारी दिएका हुन् ।

बाइडेनले भारत भ्रमणका क्रममा प्रधानमन्त्री नरेन्द्र मोदीसँग द्विपक्षीय भेटवार्ता गर्नेछन् भने राष्ट्रपति द्रौपदी मुर्मुसँग पनि भेटवार्ता गर्नेछन् ।

शुक्रबार बाइडेन भारतीय प्रधानमन्त्री मोदीसँग द्विपक्षीय बैठकमा सहभागी हुनेछन् भने शनिबार र आइतबार जी–२० शिखर सम्मेलनको आधिकारिक सत्रमा सहभागी हुनेछन् ।

अमेरिकाका राष्ट्रपति बाइडेन जस्ता विश्व नेता सहभागी हुन लागेको शिखर सम्मेलनमा रुस र चीनका राष्ट्रपति नआउने भएका छन् । चिनियाँ राष्ट्रपति सी जिन पिङ र रुसका राष्ट्रपति भ्लादिमिर पुटिनले अन्तिम समयमा नआउने बताएका छन् ।

रुसका राष्ट्रपति भ्लादिमिर पुटिनले भारतीय प्रधानमन्त्री नरेन्द्र मोदीसँग कुराकानी गर्दै जी–२० मा सहभागी हुने विषयमा असमर्थता जनाएका थिए । रुसका विदेशमन्त्री सर्गेई लावरोभले देशको प्रतिनिधित्व गर्नेछन् ।

चीनको विदेश मन्त्रालयले राष्ट्रपति सी जिनपिङको स्थानमा प्रधानमन्त्री ली छ्याङले जी–२० शिखर सम्मेलनमा भाग लिने जानकारी दिएको छ । पछिल्लो समय भारत विश्वको उदीयमान देशको रूपमा अगाडि आएको छ ।

भारतले नै आयोजना गरेको शिखर सम्मेलनमा सी जिन पिङ र भ्लादिमिर पुटिन नआउँदा ती देशलाई नै घाटा लाग्ने भारतीय पक्षले अनुमान गरेको छ ।

भारतीय विदेशमन्त्री एस जयशंकरले एएनआईसँग कुराकानीमा भनेका छन्, ‘जी–२० मा अलग–अलग अवसरमा यस्ता केही राष्ट्रपति वा प्रधानमन्त्री रहेका छन्, जो केही कारणले शिखर सम्मेलनमा भाग लिन पुगेनन् । तर ती देशका प्रतिनिधिले बैठकमा आफ्नो पक्ष राख्छन् । मलाई लाग्छ बैठकमा सबैजना निकै गम्भीरताका साथ सामेल हुँदैछन् ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारतमा कोरोना महामारी बढ्दै, शहरी क्षेत्रमा भयावह, ५२ हजार नाघे संक्रमित

अमेरिकामा डेमोक्रेटिक पार्टीका जो बाइडेन राष्ट्रपति बन्ने निश्चित

राष्ट्रपति निर्वाचित भएपछि बाइडेनको मन छुने सन्देश, तोड्ने होइन, जोड्ने काम गर्छु

चीनविरुद्ध बाइडेनको सुरुवाती प्रहार

अमेरिकी चुनावको नतिजा अर्को हप्ता आउँने, फेरि ट्रम्पको जित्ने घोषणा

सुरूवाती चरणमै कोरियाली राष्टपतिसँग बाइडेनको हिमचिम