काठमाडौं - नेपाली कांग्रेसमा सहमहामन्त्री महालक्ष्मी उपाध्याय डिनाको प्रतिनिधिसभा सदस्यमा भएको पराजयलाई अनपेक्षित रूपमा लिइएको छ ।

कांग्रेसले जित्ने सूचीमा मकवानपुर १ मा डिनाको नाम पनि समावेश गरेको थियो । त्यही भएर चुनाव सकिएको डेढ महिना हुँदासम्म यसको चर्चा कम भएको छैन । मकवानपुर १ मा गठबन्धनको मत जोड्दा डिनाले सजिलै चुनाव जित्ने थिइन् । तर उनलाई राप्रपाका दिपक सिंहले पराजित गरे ।

गठबन्धनको बलमा चुनावमा उठेकी डिना आफैं गठबन्धनका साझा उम्मेदवारलाई हराउन सक्रिय भएर लागेपछि परिणाम अनपेक्षित भोग्नु परेको तथ्य खुलेको छ ।

आफू चाहिँ माओवादी र एकीकृत समाजवादीको मतको अपेक्षा गर्ने अनि मकवानपुर २ बाट उठेका एकीकृत समाजवादीका विरोध खतिवडा र प्रदेश (ख) का उम्मेदवार इन्द्र बानियाँलाई भोट नहाल्न डिनाले आफू निकटहरूलाई सर्कुलर नै गरेको कांग्रेस नेता कार्यकर्ता बताउँछन् ।

कतिपयलाई त उनले फोन गरेरै खतिवडा र बानियाँले कुनै पनि हालतमा जित्न नहुने बताएको नाम उल्लेख नगर्ने सर्तमा हेटौंडाका एक कांग्रेस कार्यकर्ताले भने । कतिसम्म भने आफ्नो पक्षमा माहोल बनाउन डिनाले मकवानपुर २ का एमाले उम्मेदवार महेश बर्तौलासँग गोप्य साँठगाँठसमेत गरेको रहस्य खुलेको छ ।

एमालेलाई मकवानपुर १ मा कमल थापा घाँडो भइरहेका बेला बर्तौलालाई जिताउने एमालेको एकमात्र लक्ष्य थियो । डिनाले त्यसको फाइदा उठाउँदै बर्तौलासँग सहकार्य गरेको स्रोतले बतायो । बर्तौलाले चुनाव जिते, गठबन्धनका खतिवडा परिाजत भए ।

एमालेको रणनीतिकै कारण डिना आफैं पनि पराजित भइन् । डिनाको हर्कत यतिमा मात्र सीमित छैन, पार्टीको केन्द्रीय सहमहामन्त्री र पार्टी सभापति शेरबहादुर देउवाको विश्वास पात्र भएकै कारण उनले क्रियाशील सदस्य नै नभएकी एक व्यापारीकी श्रीमतीलाई समानुपातिकतर्फको बन्दसूचीको एक नम्बरमा सिफारिस गरेकी थिइन् ।

डिनाले मधेसी कोटामा बागमती प्रदेश सभा सदस्यमा कृष्णाकुमारी गुप्तालाई कांग्रेसको समानुपातिकतर्फको बन्दसूचीको एक नम्बरमा राखेको पाइएको छ । गुप्ता उद्योग वाणिज्य संघ मकवानपुरका अध्यक्ष कृष्ण अग्रवालकी श्रीमती हुन् ।

गुप्तालाई राम्रै आर्थिक कारोबारमा समानुपातिक सांसद बनाएका कांग्रेस मकवानपुरमा चर्चा छ । ‘आर्थिक सहयोग गरेर सांसद बन्न पाइने थाहा भएको भए हामी पनि तयार थियौं,’ हेटौंडाका एक उद्योगीले भने ।

क्रियाशील सदस्यसमेत नभएको व्यक्तिलाई समानुपातिक बन्दसूचीमा राख्न लगाएर पछि सांसद बनाएर डिनाले आफ्नो जीवन नै पार्टीमा बिताएका नेता कार्यकर्ताको भविष्यमाथि घात गरेको भन्दै मकवानपुरमा असन्तुष्टि उत्पन्न भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

मकवानपुर १ मा कांग्रेस सहमहामन्त्री महालक्ष्मी उपाध्याय हार्नुको कारण यस्तो रहेछ

अंकगणितमा बलियो हुँदा पनि किन महालक्ष्मी उपाध्याय डिना हारिन् ? [ मतपरिणामसहित ]

मकवानपुरमा कांग्रेस सक्ने कसम नै खाएकी छिन् डिनाले

मकवानपुरमा कांग्रेस सिध्याउन सहमहामन्त्री डिनाको गेमप्लान, चुनाव हारेको रिस